चितवन । चितवनका ग्राहक ‘स्मार्ट’ बन्दैछन् । एकै ठाउँमा सबथोक पाइने बजारमा ग्राहकको चाप बढी छ । भाटभटेनीजस्तो त नभनौँ, त्यस्तै सिको गर्दै चितवनको मार्केटहरुमा मार्टहरु खुल्नेक्रम बढ्दो छ । सबै सामग्री एकै ठाउँमा पाइने मार्टहरु भरतपुर १० मा मात्र १० भन्दा बढी सञ्चालन भइसकेका छन् ।

नारायणगढ, रत्ननगर र खैरहनी पर्सामा पनि मार्टहरु सञ्चालनमा आइसकेका छन् । चितवनका ग्राहक पनि स्मार्ट बनेका छन् । हिजोआज १० थरि सामान किन्न १० वटा पसल चाहर्ने ग्राहक कमै पाइन्छन् । एउटै पसलमा सबथोक किन्न मनपराउँछन् ग्राहक । पसलपसल चाहार्दै १० थरि सामन किन्ने तनावमा अब कोही ग्राहक छैनन् । ठूला मार्टहरु सञ्चालन हुँदै जानु, ग्राहक पनि यसैमा बढेपछि अब माकेर्टमात्र, मार्टमात्र स्मार्ट छैनन्, ग्राकह पनि स्मार्ट छन् भन्ने बुझिन्छ । मार्टहरुको भीडमा अर्को एउटा मार्ट थपिएको छ ।

भरतपुर १० स्थित हाकिमचोकस्थित पश्चिम दक्षिण मालिका चोकमा सुपर मार्केटको झल्को दिने गरी मार्ट सञ्चालनमा ल्याइएको छ । नयाँ सामुदायिक उपभोक्ता सहकारी संस्थाले मार्ट सञ्चालनमा ल्याएको हो । संस्थाका अध्यक्ष दिव्यबाबु नेपालले मार्ट ३ गते शुभारम्भ हुने जानकारी दिए । उनले एक करोड लगानीमा मार्ट सञ्चालनमा ल्याइएको बताए ।

मार्टका सल्लाहकार संयोजक विनोदखण्ड तिमिल्सिनाले समुदायमा आधारित रहेर समुदायको हितमा मार्ट सञ्चालनमा ल्याइएको बताए । उनले भने, ‘सस्तो सर्वसुलभ रुपमा मार्टलाई अगाडि बढाउनेछौँ ।’

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

चितवनका दृष्टिविहीनलाई सेतो छडी वितरण

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने