जारी लिगमा ८ खेल खेलेका मछिन्द्र अपराजित छ । २० अंकसहित मछिन्द्र शीर्षस्थानमा छ । यता, बीबीसी समान खेलबाट ६ अंक जोड्दै १२औं स्थानमा छ ।

आजै दोस्रो खेलमा विभागीय नेपाल पुलिस क्लबले च्यासल युथ क्लबको सामना गर्दैछ । दशरथ रंगशालामा पौने ५ बजे सुरु हुने खेलमा दुबै टोलीको लक्ष्य जितबाहेक विकल्प छैन ।

जारी लिगमा पेपरमा औसत बलिया देखिएका दुबै टोलीले आशालाग्दो प्रदर्शन दिन सकेका छैनन् । दुबै टोली रेलिगेशनको संघारमा छन् । दुबैको लक्ष्य तीन अंक लिने र रेलिगेशन जोनबाट टाढा बस्ने रहेको छ ।

युवा प्लेमेकर राम वाजीको कप्तानीमा उत्रने पुलिसलाई कुनै खेलाडीको समस्या छैन । अघिल्लो खेलमा निलम्बनमा रहेका तेज तामाङ टोलीमा पुनरागमन गर्नेछन् ।

च्यासललाई भने कोरोनाले सताउने छ । डिफेण्डर कमल श्रेष्ठ र गोलरक्षक प्रदीप भण्डारीलाई कोरोना देखिएको छ । यस्तै टोलीमा अन्य खेलाडीकोसमेत स्वास्थ ठिक नभएको क्लबले जनाएको छ ।

जारी लिगमा पुलिस ८ खेलबाट ७ अंक सहित ११ औं स्थानमा छ । च्यासल भने समान खेलबाट ५ अंकसहित १३ औं स्थानमा छ ।

१४ क्लब सहभागी लिगमा पुछारका २ टोली भने बी डिभिजन लिगमा घटुवा हुनेछन् ।