चितवन । सहरी विकास मन्त्री रामकुमारी झाँक्रीले एमसीसीका बिषयमा दोहोरो भूमिका खेल्न नहुने बताउनुभएको छ । आज यहाँ पत्रकारहरु संग कुराकानी गर्दै उहाँले सरकारमा बसेर एमसीसीको बिषयमा दोहोरो भूमिका खेल्न नहुने बताउनुभएको हो ।

उहाँले भन्नुभयो “कि त सरकार छोडेर सडकमा जानु प¥यो । कि सरकारमा बसेर सडकमा जानु भएन ।”सत्ता पनि चाहीने, सरकारको काममा पनि बिरोध गर्नु पर्ने हो भने यो बिरोधाभाष पूर्ण कुराबाट सबै मुक्त हुनु पर्ने उहाँको भनाई थियो । उहाँले थप्नु भयो “बिरोधाभाष कुरा हुँदैन । पाटीले निर्णय गर्छ भने एक मिनेट सरकारमा बस्न मन छैन ।” सबै जिल्ला कमिटिलाई एमसीसीको बिषयमा धरणा पठाउन आग्रह गर्दै उहाँले एमसीसी गलत भए आँफुहरु व्याक हुने बताउनुभयो ।

उहाँले भन्नुभयो “ भोट पनि नहाल्ने, बिरामी भएर बस्ने, सत्तामा टाँसीने यस्तो अनैतिक राजनैतिक नगरेको राम्रो हुन्छ ।” आँफु अहिलेको सरकारको मन्त्री भएको स्मरण गर्दै उहाँले सरकारले गरेको निर्णय बिरुद्ध आँफु जान नमिल्ने जिकिर गर्नुभयो । एमसीसी स्विकार गर्दा र अस्विकार गर्दा के हुन्छ भन्ने कुरामा सबैले बुझ्न जरुरी रहेको उहाँको भनाई थियो ।

पार्टीको सचिबालयले एमसीसी यथास्थितिमा पास नगर्ने निर्णय गरेको भन्दै उहाँले यस बिषयमा छलफल हुन जरुरी रहेको बताउनुभयो । केपि ओली सरकारमा हुँदा टेवुल गर्न चाहनु भएको भन्दै उहाँले अहिले नेकपा एमालेको मौनताले केही असहज वनाएको बताउनुभयो ।

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

चितवनका दृष्टिविहीनलाई सेतो छडी वितरण

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने