चितवन । नेपाल सुपर लिग (एनएसएल) को अक्सन शुक्रबार सम्पन्न भयो । अक्सनमा एफसी चितवनले चितवनकै एक जना पनि खेलाडीलाई अनुबन्ध गरेन । अक्सनमा क्लबको व्यवस्थापनले चितवनकै खेलाडीलाई उपेक्षा गरेका छन् ।

हालै सम्पन ए डिभिजन लिगमा राम्रो छाप छोडेका खेलाडी भित्राउन समेत क्लबले कुनै चासो देखाएन । चितवन नाम जोडीएको क्लबमा चितवनका एक जना पनि खेलाडी छैनन् । क्लबको नाममा चितवन जोडेर चितवनकै खेलाडीलाई उपेक्षा गरेको भन्दै विरोध भएको छ । चितवन जिल्ला फुटबल संघले एफसी चितवनले चितवनकै खेलाडीलाई वेवास्ता गरेको भन्दै आपत्ति जनाएको छ । चितवनका उत्कृष्ट फुटबल खेलाडीलाई क्लबले उपेक्षा गरेको संघका अध्यक्ष श्री कृष्ण कार्कीले असन्तुष्टि पोखेका छन् । क्लब व्यवस्थापनको यस्तो व्यवहारले चितवन जिल्लाको फुटबलले बिकासको गति लिन नसक्ने उनको भनाइ छ ।

चितवनको फुटबल बिकासमा अहोरात्र लागिपरेकाहरुलाई क्लबको यस्तो रवैयाले निरास बनाएको समेत उनले बताए । ‘हामी अहोरात्र आफ्नो व्यक्तिगत काम समेत थाती राख्दै चितवन जिल्लाको फुटवल बिकासमा समर्पित भएकाहरुलाई यस प्रकारको व्यवहारले निरास तुल्याएको छ, उनले भने, नाममा मात्र चितवन जिल्ला जोड्ने तर आफ्नै जिल्लावाट उत्कृष्ट फुटबल खेल्ने खेलाडीलाई उपेक्षा गर्ने यस्ता नामधारी क्लबको कृयाकलापबाट चितवनको फुटबल बिकास सम्भब छैन ।’

अध्यक्ष कार्कीले क्लबलाई चितवनबाट कुनै किसिमको समर्थन र सहयोग नरहेने स्पष्ट पारे । ‘एफसी चितवनको पक्षमा चितवन जिल्ला फुटवल संघ एवं फुटबललाई माया गर्ने समग्र चितवनबासी समेतको केही पनि साथ तथा समर्थन हुँदैन’, उनले भने । एनएसएलको अक्सनमा चितवनका गणेश हमाल, रुमेश बर्तौला, राजेश परियार, अमृत श्रेष्ठ र यदु सिलवाल गरी पाँच खेलाडी थिए । उनीहरु मध्ये चार जना बिभिन्न क्लबमा अनुबन्ध भएका छन् । रुमेश एक लाख ५० हजारमा पोखरा थन्डर्स गएका छन् ।

यस्तै राजेश ललितपुर सिटी एफसी, अमृत धनगढी एफसी तथा यदु विराटनगर सिटी एफसीमा अनुबन्ध भएका छन् । यि चारै खेलाडी चितवनका उत्पादक हुन् । उनीहरुले हालै सम्पन्न ए डिभिजन लिग पनि खेलेका थिए ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र