☰

भर्खरै

लोकप्रिय समाचार

चितवन ट्राफिकद्वारा ६ महिनामा १ करोड ६५ लाख बढी राजश्व संकलन

  •   आइतबार, माघ २२, २०७९ मा प्रकाशित
    • अ
    • अ
    • अ

    चितवन । चितवन ट्राफिकद्वारा ६ महिनामा १ करोड ६५ लाख बढी राजश्व संकलन चितवन । जिल्ला ट्राफिक प्रहरी कार्यालय चितवनले चालु आर्थिक वर्षको ६ महिनामा १ करोड बढी राजश्व संकलन गरेको छ । कार्यालयका अनुसार १ करोड ६५ लाख १८ हजार राजश्व संकलन भएको हो । सो रकम १९ हजार ११५ वटा सवारीलाई कारवाही गर्दा प्राप्त भएको हो ।

    कार्यालयले सवैभन्दा बढी भाद्र महिनामा ३२ लाख २९ हजार राजश्व संकलन गरेको छ । त्यस्तै श्रावणमा ३० लाख ७ हजार पाँच सय, आश्विनमा २४ लाख ६४ हजार, कार्तिकमा २८ लाख २८ हजार पाँच सय, मंसिरमा २४ लाख ६१ हजार र पौषमा २५ लाख २८ हजार राजश्व संकलन भएको छ । कार्यालयका अनुसार आर्थिक वर्षको सुरु महिना श्रावणमा ३ हजार ४७० वटा सवारी साधनलाई कारवाही गरिएको थियो भने भाद्रमा ३८१८, आश्विनमा २८६५, कार्तिकमा ३२५१, मंसिरमा २७८३ र पौषमा २९२८ वटा सवारी साधनलाई ट्राफिक प्रहरीले कारवाही गरेको थियो ।

    धेरै कारवाहीमा पर्ने सवारीमा मोटरसाइकल जिल्ला ट्राफिक प्रहरी कार्यालय चितवनले सार्वजनिक गरेको चालु आर्थिक वर्षको अर्धवार्षिक तथ्याङ्क अनुसार सवैभन्दा धेरै कारवाहीमा पर्ने सवारीसाधनमा मोटरसाइकल रहेको छ । कुल १९ हजार ११५ वटा सवारी साधन कारवाही गरिएकोमा ५ हजार ७५२ वटा मोटरसाइकल मात्रै रहेका छन् । जसबाट ४६ लाख ४४ हजार ५ सय राजश्व संकलन भएको छ । त्यस्तै कारवाहीमा परेका जिप तथा कारको संख्या ३ हजार ७४५ वटा छन् । जसबाट प्रहरीले ३२ लाख ५६ हजार पाँच सय राजश्व संकलन गरेको छ ।

    त्यस्तै ३ हजार ७१५ वटा टेम्पो कारवाहीमा पर्दा २८ लाख ३४ हजार पाँच सय राजश्व संकलन भएको छ । ३ हजार २७६ वटा ट्रक तथा टिपर कारवाहीमा पर्दा ३४ लाख ६ हजार पाँच सय , १७९६ वटा बस तथा माइक्रो कारवाहीमा पर्दा १५ लाख ८० हजार र ८३१ वटा ट्याक्टर दुर्घटनामा पर्दा ७ लाख ९६ हजार राजश्व संकलन भएको जिल्ला ट्राफिक प्रहरी कार्यालय चितवनले जानकारी दिएको छ ।

    लोकप्रिय

    भर्खरै