सुन्दरहरैँचा । नेपाल सरकारका युवा तथा खेलकुदमन्त्री डिगबहादुर लिम्बूले अन्तर्राष्ट्रियस्तरको खेलमैदान कम भएकाले खेलकुद क्षेत्रको सोचे जस्तो विकास हुन नसकेको बताउनुभएको छ । सुन्दरहरैँचा नगरपालिकास्थित उद्योग वाणिज्य सङ्घको सभाहलमा भएको नेपाल प्रेस युनियन मोरङ शाखाको ११आँै अधिवेशन तथा साधारणसभामा उहाँले खेल र पर्यटनको विकास हुन सके देश समृद्धितिर अघि बढ्ने बताउँदै युवालाई राष्ट्रियस्तरमा पु¥याएर दक्ष जनशक्ति उत्पादन गरी विकासको मार्गमा लान आवश्यक रहेको उल्लेख गर्नुभयो ।

नेपाल प्रेस युनियन मोरङ शाखाको ११औँ अधिवेशनमा नेपाली कांग्रेस जिल्ला कार्यवाहक अध्यक्ष भक्ति माझी, नेका महासमिति सदस्य भगवती पौडेल, नेका जिल्ला सचिव ललितबहादुर श्रेष्ठ, नेपाल प्रेस युनियनका केन्द्रीय अध्यक्ष शिव लम्साल, विराटनगर महानगरपालिकाका मेयर नागेश कोइराला लगायतले शुभकामना मन्तव्य व्यक्त गर्नुभएको थियो ।

अधिवेशनमा बोल्ने अधिकांश वक्ताले प्रेस युनियन मोरङको सफलताको शुभकामना व्यक्त गर्दै पत्रकारिताको माध्यमबाट राष्ट्रिय, लोकतन्त्र, समाजवाद र नागरिक स्वतन्त्रता रक्षाका लागि सधैँ कटिबद्ध रहन जरूरी रहेको उल्लेख गर्नुभयो ।

प्रेस युनियन मोरङ शाखाको ११आँै अधिवेशन तथा साधारणसभाको अवसरमा गिरिजाप्रसाद कोइराला, शैलजा आचार्य स्मृति तथा रमाप्रसाद÷मायादेवी पत्रकारिता पुरस्कारबाट पत्रकार लीलावल्लव घिमिरे, विनोद भण्डारी, विक्रम निरौला, तेजन खड्का तथा करूणा बस्नेतलाई नगद पुरस्कारसहित सम्मान गरिएको थियो ।

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने

परराष्ट्रमन्त्री खनालसँग फ्रान्सका नवनियुक्त राजदूत पुइगिन्जाको भेट