चितवन । नेपाली काङ्ग्रेस चितवनले सञ्चालन गरेको क्रियाशिल सदस्यता नविकरणका क्रममा ६५ प्रतिशतले आफ्नो सदस्यता नबिकरण गरेका छन् । १४ औं महाधिबेशनका क्रममा वनेका २८ हजार २ यस क्रियाशिल सदस्य मध्ये १८ हजार ३३० जनाको सदस्यता नविकरण भएको हो । नेपाली काँग्रेस चितवनका सभापति राजेश्वर खनालका अनुसार वडाहरुबाट क्रियाशिल सदस्यता नबिकरण फारम आउने क्रम जारी रहेकाले केही संख्या थप हुन सक्ने छन् ।

साउन ६ गते देखि २६ गते सम्म सञ्चालन भएको क्रियाशिल सदस्यता नबिकरण अभियानको क्रममा उनीहरुले सदस्यता नविकरण गरेका हुन । जिल्लाका ९८ वटै वडामा क्रियाशिल सदस्यता नबिकरणको काम सम्पन्न भईसकेको बताउँदै उहाँले अहिले वडाहरुले सदस्यहरुको फारम क्षेत्र हुँदै जिल्लामा पठाउने काम भै रहेको बताउनुभयो । उहाँले भन्नुभयो “प्रारम्भिक तथ्याङ्क अनुसार जम्मा क्रियाशिल सदस्यको ६५ प्रतिशतले नविकरण गरेका छन् ।”

क्रियाशिल सदस्यहरु बैदेशीक रोजगारमा गएको, रोजगारीको शिलशिलामा जिल्ला बाहिर भएको र बर्षातका कारण कम सदस्य नबिकरण भएको उहाँले जानकारी दिनुभयो । गएको निर्वाचनमा पार्टीका उम्मेदवारलाई असहयोग गर्नेहरुको नविकरण नगरिएको उहाँले बताउनुभयो । गत उपनिर्वाचनमा चारवटा वडामा क्रियाशिल सदस्य भन्दा कम मत खसेको भन्दै उहाँले ती वडामा खसेको मतदान भन्दा बढि क्रियाशिल सदस्यता नविकरण नगरिएको वताउनुभयो । नकिराण्को सुरुवाती चरणमानै सभापति खनालले ६० प्रतिशत हाराहारी भन्दा बढि नबिकरण नहुने बताउनुभएको थियो ।

पहिला क्रियाशिल सदस्य भएका र अहिले नबिकरण हुन नसकेका सदस्यहरु पार्टीको सम्पर्कमा रहेको नेपाली काँग्रेस चितवनका सचिब ध्रुब पोख्रेलले जानकारी दिनुभयो । बाहिर देखिए जस्तो पार्टी परित्याग गर्नेको संख्या कम रहेको उहाँको भनाई छ । अधिबेशनको समय भएको भए साथीहरुको चासो वढ्ने भएकाले अहिले कम देखिएको उहाँले बताउनुभयो ।

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

चितवनका दृष्टिविहीनलाई सेतो छडी वितरण

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने