चितवन । गैंडाकोट नगरपालिकाको वडा नं. १३ बेल्डीहामा चोरी भएको छ । साउन ५ गतेरातीको समयमा आएको चोरले घरको घरभित्र राखिएको स्कुटरसँगै ३ वटा मोबाइल र केही नगद चोरी गरेर लगेको हो । घरको माथिल्लो तल्लामा सुतिरहेका ७३ वर्षका टिकाराम चौधरी उहाँको ५३ वर्षको श्रीमति सुतेको कोठाको झ्यालवाट छिरेर कोठाको ढोका फुटाई घरको सामान लगेको बुहारी नलिशा चौधरीले जानकारी दिनुभयो ।
उहाँका अनुसार चोरले ना. ३५ प ४७४९ नम्बरको रातो कलरको होण्डा डियो कम्पनीको स्कुटर चोरेर लगेको छ । यस्तै कोठामा राखिएको सामसुङ्ग ग्यालेक्सी, लापा कम्प्नीको एउटा मोबाइल र अर्को नोकिया मोबाइल गरी तीनवटा मोबाइल समेत चोरी गरेर लगेको छ । यस्तै एउटा घडी समेत लगेको छ ।
अत्याधिक गर्मीका कारण बुबा टिकारामले झ्याल खोलेर सुत्नुभएको थियो । झ्यालमा ग्रील नभएको मेसोमा चोर त्यही झ्यालबाट छिरेर घरको तीनवटा कोठाको ताल्चा फुटाएछन सँगै बुहारी नलिशाले भन्नुभयो –म सुत्ने कोठा बाहेक घरका सबै कोठामा पुगेर खानतलासी गरेका रहेछन् । कोठाको दराजमा राखिएको ब्याग छतमा लगेर सबै खोलेको अवस्थामा भेटिएको उहाँले जानकारी दिनुभयो । घरको झ्याल नजिकै फलामको रड, मासु काट्ने दाउ समेत फेला परेको उहाँले बताउनुभयो ।
विहान साढे ४ बजे घटना भएको बारेमा मात्रै आफुहरुलाई जानकारी भएको उहाँले सुनाउनुभयो । निन्द्राले केहीपनि पत्तो पाएनौं । कोठाको ढोका फोडेर घरको सामान यत्रतत्र छरिएको अवस्थामा देखेपछि तल्ल पार्लरमा जाँदा पार्लरको ढोका समेत फोडेर छिरेका रहेछन उहाँले भन्नुभयो – पार्लरको घर्रामा ५ हजार पैसा थियो त्यो पनि लगेछन् ।
आफ्नै घरको तल्लो तल्लामा पार्लर बुहारी नलिशाले संचालन गर्दै आउनुभएको छ । घटना भएको जानकारी पाए लगतै प्रहरीलाई खबर गरिएको छ । प्रहरी घटनास्थल पुगेर घटनाबारे आवश्यक अनुसन्धान सुरु गरेको छ। घटना भएको दुईदिन वित्यो तर अहिले सम्म प्रहरी घटनाबारे कुनै निश्कर्षमा पुग्न सकेको छैन ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.