चितवन । नारायणगढ–मुग्लिन सडकको केराबारीस्थित त्रिशूली नदीमा देखिएको भनिएको बस्तु बस नभएको पाइएको छ । नदीको बीच भागमा बसको थोरै भाग देखिएको भनि स्थानीयले खबर गरेका थिए । तालिमप्राप्त उद्धार टोलीले हेरेपछि बस नभएको पुष्टि भएको चितवनका प्रमुख जिल्ला अधिकारी इन्द्रदेव यादवले जानकारी दिए ।
शनिवार बस खोज्ने क्रममा भारतको नेशनल डिजास्टर रेक्स्यु फोर्स (एनडिआरएफ)ले ल्याएको १९ किलाको चुम्बक त्रिशूली नदीमा हराएको छ । भारतीय टोलीले १९ किलो र १४ किलोको चुम्बक मगाएको थियो । सिमलताल दुर्घटनामा परी बेपत्ता भएका बसको खोजीमा सहयोग गर्न आएको भारतीय टोली आज स्वदेश फर्कने भएको छ ।
एक हप्ताको लागि भनि आएको टोली आज फर्किने भएको हो । उक्त टोलीले नेपालको सशस्त्र प्रहरी र नेपाली सेनासँग मिलेर बेपत्ता बसको खोजी गरेको थियो । प्रजिअ यादवले आजसम्म सक्दो प्रयास गरेपनि उपलब्धी नभएको र एक हप्ताको समय लिएर आएकोले समय पनि सकिएकाले टोली फर्किन लागेको जानकारी दिए । उनका अनुसार भारतीय टोलीलाई सिकाई समिक्षासँगै धन्यवाद दिएर बिदाई गरिँदै छ ।
गत असार २८ गते नारायणगढ–मुग्लिन सडकको सिमलतालमा पहिरोमा परी दुई वटा बस त्रिशूली नदीमा खसेका थिए । नदीमा बस खस्ने क्रममा तीन यात्रुले पौडिएर ज्यान जोगाए भने कम्तिमा ६२ यात्रु नदीमा डुबे । त्यसयता दुवै बस भेटिएका छैनन् भने नारायणी नदीदेखि गण्डक व्यारेजम्म २४ जनाको शव भेटिएको छ । तीमध्ये १९ जनाको मात्रै सनाखत भएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.