भरतपुर । सेन्ट्रल मोडल कलेजले भरतपुर महानगरका ६४ जना विद्यार्थीलाई ५० प्रतिशत छात्रवृत्ति दिने घोषणा गरेको छ । कलेजले बिहीवार पत्रकार सम्मेलनको आयोजना गरी जेहेन्दार एवम् विपन्न विद्यार्थीलाई छात्रवृत्ति दिने बताएको हो । कलेजले यस वर्षदेखि व्याचलर अफ इन्फरमेशन म्यानेजमेन्ट (बिआईएम) र व्याचलर अफ होटल म्यानेजमेन्ट (बिएचएम) कार्यक्रम सञ्चालन गर्दै छ ।
भरतपुर महानगरका २९ वटा वडाबाट प्रतिवडा एक जनाका दरले र ३५ सामुदायिक विद्यालयबाट प्रतिविद्यालय एक जनाका दरले गरी कुल ६४ जनालाई बिआईएम वा बिएचएम कार्यक्रममा छात्रवृत्ति दिइने सेन्ट्रल मोडल कलेजका अध्यक्ष यज्ञविलास पौडेल (वाईबी)ले जानकारी दिए । कलेजले संविधान दिवसको अवसर पारेर छात्रवृत्तिको घोषणा गरेको उनले बताए ।
उच्च शिक्षाको पहुँचलाई थप प्रवद्र्धन गर्न छात्रवृत्ति घोषणा गरिएको उनको भनाई छ । ‘जेहेन्दार एवम् विपन्न विद्यार्थीलाई वडाको हकमा सम्बन्धित वडाको सिफारिस र विद्यालयको हकमा सम्बन्धित विद्यालयको सिफारिस आवश्यक पर्नेछ’, उनले भने, यसरी सहभागी हुने वडा र विद्यालयका विद्यार्थीले बिआइएम अथवा बिएचएम मध्ये एक कोर्सको अध्ययनमा छात्रवृत्ति प्राप्त गर्नेछन् ।’
चार वर्षे बिएचएम अध्ययनका लागि छ लाख र बिआईएम अध्ययनका लागि पाँच लाख रुपैयाँ शुल्क लाग्छ । ५० प्रतिशत छात्रवृत्ति पाएका विद्यार्थीले बिएचएम पढ्न तीन लाख र बिआईएम पढ्न दुई लाख ५० हजार रुपैयाँ मात्रै तिरे पुग्ने पौडेलले बताए । यस छात्रवृत्तिले विभिन्न क्षेत्रका मेधावी विद्यार्थीलाई आर्थिक समस्या बिना नै उत्कृष्ट उच्चशिक्षा हासिल गर्ने अवसर प्राप्त हुने कलेजले अपेक्षा गरेको छ । सेन्ट्रल मोडल कलेजले ‘पढ्दै कमाउँदै’ अवधारणा अपनाएको छ ।
यो अवधारणा छात्रवृत्ति पाउने विद्यार्थीमा भने लागु नहुने अध्यक्ष पौडेल बताउँछन् । पुरै शुल्क तिरेका विद्यार्थीले पढ्दै गर्दा पार्टटाइम जागिर पनि गर्न पाउने उनले जानकारी दिए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.