चितवन । चितवनको खैरहनी नगरपालिका–६ पुरानो पर्सामा श्वासप्रश्वासमा समस्या भई उपचारको लागि मेडिकल पुगेकी एक महिलाको मृत्यु भएको छ। पर्वत फलेवास नगरपालिका–३ कार्की टोल घर भई हाल चितवन खैरहनी नगरपालिका–५ बुडौली स्थितमा कोठा भाडामा लिई बस्ने वर्ष ४१ की तुलसी कार्कीले कात्तिक ३ गतेदेखि स्थानीय चौधरी मेडिकलमा उपचार गराउँदै आएकी थिइन् ।

सोमवार राति साढे ८ बजे चिकित्सकले इन्जेक्सन दिएपछि उनको मृत्यु भएको जिल्ला प्रहरी कार्यालय चितवनले जानकारी दिएको छ । विरामीको मृत्यु भएपछि आफन्तहरु आक्रोसित भई मेडिकलमा तोडफोड गरेका थिए ।

आज बिहान २ बजे मृतकका आफन्त, मेडिकल पक्ष र जनप्रतिनिधि बीच छलफल पश्चात मृतकका आफन्तलाई क्षतिपुर्ती दिने सहमति भएपछि पोष्टमार्टमका लागि शवलाई भरतपुर अस्पतालको शव गृह पठाइएको जिल्ला प्रहरी कार्यालय चितवनले जानकारी दिएको छ ।

चितवनमा तीन महिनामा तीन हजारभन्दा बढीले लिए वंशजका आधारमा नागरिकता

दसैँमा चितवनमा सवारी दुर्घटनामा ७३ प्रतिशतले कमी, मृत्यु हुनेको सङ्ख्या ७५ र घाइते हुनेको सङ्ख्या ५० प्रतिशतले घट्यो

दसैँ बिदापछि सिएमसीमा नियमित ओपीडी सेवा सुरु