☰

भर्खरै

लोकप्रिय समाचार

आजबाट हेटौंडा अस्पतालमा ७ शैयाको आइसियु सञ्चालनमा

  •   सोमबार, मङि्सर १५, २०७७ मा प्रकाशित
    • अ
    • अ
    • अ

    हेटौँडा । बागमती प्रदेशको राजधानी मकवानपुरको हेटौंडामा रहेको एकमात्र सरकारी अस्पतालको रुपमा हेटौंडा अस्पतालमा आजबाट आइसियु सेवा सञ्चालन भएको छ । आजबाट सात शैयाको आइसियु तथा १० शैयाको एचडियु सेवा सञ्चालन भएको हो । आइसियु अभावका कारण हेटौंडाका निजी अस्पताल र भरतपुर रिफर हुँदै आएका विरामी अब भने हेटौंडा अस्पतालमानै उपचार हुने भएको हो । सोमबार दुबै सेवाको उद्घाटन् गर्दै बागमती प्रदेशका मुख्यमन्त्री डोरमणि पौडेलले ८ वर्ष अघि आइसियु सेवा सञ्चालन गर्ने सपना बल्ल पुरा भएको बताए । मुख्यमन्त्री पौडेलले आइसियु सेवा संचालनमा आएपछि स्वास्थ्य सेवामा फड्को मार्नेकुरा आफु निश्चित भएको बताए । हिजोको दिनमा सामान्य बिरामी रिफर गरिनुपरथ्यो अस्पतालको चौतर्फी आलोचना हुन्थ्यो,अब त्यो कामको अन्त्य भएको छ। अब हेटौँडा अस्पताल देशकै उत्कृष्ट अस्पताल बन्छ–मुख्यमन्त्री पौडेलले भने । कार्यक्रममा मदन भण्डारी स्वास्थ्य प्रतिष्ठानका रजिष्ट्रार राजेश प्रसाईले आइसियु सञ्चालन पश्चात अब निकट भविष्यमा काइडोलोजी र प्याथोलोजी सेवा गरिने बताए। मदन भण्डारी स्वास्थ्य प्रतिष्ठानका निर्देशक डाक्टर हरि खड्काले आर्थिक अवस्था कमजोर भएकाहरुको लागि आइसियु कोष स्थापना गरि सेवा दिने बताए । कार्यक्रममा जिसस प्रमुख रघुनाथ खुलाल, अस्पतालका प्रमुख डाक्टर प्रविण श्रेष्ठ लगायतले मन्तव्य व्यक्त गरेका थिए । कार्यक्रममा प्रदेश सभा सदस्य मुनु सिग्देल, कुमारी मोक्तान, ओम बहादुर ग्लान, सामाजिक विकास मन्त्रालयका सचिव दीपक काफ्ले, मदन भण्डारी स्वास्थ्य प्रतिष्ठानका उपकुलपति प्राध्यापक डाक्टरविश्वराज जोशी लगायत स्वास्थ्यकर्मीहरुको उपस्थिती रहेको थियो । कार्यक्रम अस्पताल विकास समितिका अध्यक्ष प्रकाश पौडेलको अध्यक्षतामा भएको थियो ।

    लोकप्रिय

    भर्खरै