हेटौंडा । राष्ट्रिय प्रजातन्त्र पार्टी (राप्रपा) मकवानपुरले बागमती प्रदेशको राजधानी हेटौंडामा राजा सहितको प्रजातन्त्र र हिन्दु राष्ट्रको लागि बृहत मोटरसाईकल ¥याली गर्ने भएको छ । आज हेटौंडाको न्युज क्लब नेपालमा भएको पत्रकार सम्मेलनमा बोल्दै राप्रपा जिल्ला अध्यक्ष रामहरी न्यौपानेले राजा सहितको प्रजातन्त्र र हिन्दु राष्ट्रको लागि राप्रपाले चरमबद्ध आन्दोलनको कार्यक्रमहरु गर्ने बताए । उनले यसै कार्यक्रम अन्र्तगत भोली हेटौंडामा बृहत मोटरसाईकल ¥याली गर्न लागिएको बताए । उनले भोली दिउँसो पार्टी कार्यलय सुरु हुने बृहत मोटरसाईकल ¥यालीको तयारी पुरा भएको बताए । उनले भने “मुलुकमा देखा परेको विकृति विसंगति,भष्ट्रचार देखि लिएर दलिय द्धन्द्ध अन्नर द्धन्द्धहरु चरमोत्कर्ष पुगेको हुनाले जनताहरु सार्है निराश भएको अवस्था छ । यो अवस्थामा प्रजातान्त्रिक शक्ति भन्दा फरक ढङ्गल प्रस्तुत हुने समूहरु पनि अगाडी आएको देखिन्छ । तेसलाई समाधान गर्नको लागि वर्तमान संविधानले दिएको व्यवथा अनुसार संविधान भित्रैबाट दुई तिहाइ बहुमत जनमत लिएर जनमतबाट नै अहिले भएको परिर्वतनलाई हाम्रा एजेन्डा राजसंस्था,हिन्दूराष्ट्र र स्थानीय स्वायत्त शासन प्रणालीलाई महत्तो दिएर अगाडी बढ्ने हाम्रो पाटीको नीति छ । त्यो नीति कार्यन्यन गर्न यहि संविधानले व्यवस्था गरेको हुनाले हामी कुनै सामाजिक द्धन्द्ध,जनतालाई दुख दिएर फरक ढङ्गले कुनै परिर्वतनको हाम्रो चाहना छैन । संविधान परिधि भित्र रहेर भोली मंसिर १९ गते दिनको साँडे १२ बजे पार्टी कार्यलयमा जिल्ला भरीका आम कार्यकर्ता तथा शुभ चिन्तकहरु मोटरसाईकल ¥यालीको रुपमा सहभागी हुनेछौ । कोरोना संक्रमणको जोखिमलाई मध्यनजर गर्दै सभा सम्मेलन जुलुस गर्नु भन्दा मोटरसाईकल ¥याली गर्न लागिएको हो ।” उनले ¥यालीमा कम्तिमा ५ सय मोटरसाईकलको सहभागी रहने बताए । मोटरसाईकल ¥याली पार्टी कार्यलयबाट कान्तिराजपथ,सानो पोखरा,स्कुल रोड,शितल महलचोक,सिमाचोक,टिस्यन रोड हुँदै बुद्धचोक,उद्योग वाणीज्य महासंघरोड,संगमचोक पुनः कान्तिराजपथ हुँदै बुद्धचोकमा कोणसभा हुने जिल्ला अध्यक्ष न्यौपानेले जानकारी दिए । कार्यक्रममा केन्द्रीय अध्यक्ष कमल थापाको पनि उपस्थिति रहन सक्ने उनले बताए । यसैगरि पत्रकार सम्मेलनमा राप्रपाको केन्द्रीय सचिवालय सदस्य राजाराम बर्तौलाले राजा सहितको प्रजातन्त्र र हिन्दु राष्ट्रको लागि देशभर विभिन्न आन्दोलनको कार्यक्रमहरु गरिने बताए । उनले भोली हेटौंडामा र पर्सी २० गते झापामा मोटरसाईकल ¥याली गर्न लागिएको बताए । उनले देशमा चरम भ्रष्टाचार, बेरोजगारी,धर्म परिबर्तन र बिकृती बढेको भन्दै चिन्ता व्यक्त गरे । पत्रकार सम्मेलनमा युबक संगठनका केन्द्रिय उपाध्यक्ष दामोदर वाग्ले लगाएत राप्रपा जिल्ला तथा नगर कार्य समितिका पदाधिकारीको सहभागीता रहेको थियो ।

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ

सीएमसीद्वारा कैलाशमा निःशुल्क स्वास्थ्य शिविर, ३८३ जनाले लिए सेवा