चितवन । नेपाल पुस्तक तथा स्टेसनरी व्यवसायी महासंघको १६ औं स्थापना दिवसका अवसरमा जिल्ला शाखा चितवनले जिल्ला प्रहरी कार्यालय चितवनलाई पुस्तक उपलब्ध गराएको छ । विभिन्न खाले कसुरमा अनुसन्धानक्रममा प्रहरी कार्यालयको हिरासतमा रहेकाहरूका लागि समय व्यवस्थापन गर्न पुस्तक वितरण गरिएको कार्यक्रम संयोजक वीरबहादुर न्यौपानेले बताए ।
कार्यक्रममा प्रमुख अतिथि रहेका प्रमुख जिल्ला अधिकारी नारायणप्रसाद भट्टराईले प्रहरी हिरासतमा अनुसन्धानका क्रममा रहेका थुनुवाहरूले पुस्तक पढेर आफ्नो जीवनलाई एक्लोपनबाट टाढा राख्न र उर्जाशील बनाउन सक्ने विश्वास गरे । ञपुस्तकको ज्ञानले मानिसलाई सकारात्मक बाटोतर्फ डोहोर्याउन मद्धत गर्दछझ, भट्टराईले भने( ञयी पुस्तक पढेर हिरासतमा रहेका थुनुवाहरुले आफूलाई एक्लो महसुस गर्ने छैनन् । उनीहरूलाई यी किताबको ज्ञानले उज्यालो संसारमा लैजाने छ ।
चितवन प्रहरी प्रमुख नान्तीराज गुरुङले यी पुस्तकहरू दर्ता गरेर हिरासतमा अनुसन्धानका क्रममा रहेकाहरूले पढ्न मिल्नेगरी राखिने बताए । ञउहाँहरूको लागि अब पुस्तकालय बनाएर यी किताब राखिनेछन्झ, गुरुङले भने( ञथुनुवामा रहनु भएकाहरूले रुचि अनुसारका किताब पढ्न पाउनु हुनेछ । नेपाल पुस्तक तथा स्टेसनरी व्यवसायी महासंघ बागमती प्रदेशका अध्यक्ष किरणकुमार खनालले महासंघको शैक्षिक जागरण अभियान अन्तर्गत जिल्ला प्रहरी कार्यालयलाई किताब उपलब्ध गराइएको बताए ।
यो अभियानमा ५ सय बढी शीर्षकका किताब उपलब्ध गराइएको खनालले बताए । जिल्ला प्रहरी कार्यालयको सभाहलमा एक कार्यक्रमको आयोजना गरि जिल्ला अध्यक्ष उद्योग विक्रम बानियाँले प्रमुख जिल्ला अधिकारी नारायणप्रसाद भट्टराईलाई मदन पुरस्कार प्राप्त पुस्तक ञमहारानीझ पुस्तक प्रतिनिधि पुस्तकको रूपमा प्रदान गरेर पुस्तकहरू हस्तान्तरण गरिएको थियो । उपलब्ध गराइएका पुस्तकहरूमा साहित्य, राजनीति, इतिहास, भूगोल, दर्शन, धर्मसंस्कृति, शब्दकोष, कानून बिषय अन्तर्गतका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.