नवलपुर । नवलपुरकी पत्रकार राधा बस्यालको स्मृतिमा अक्षयकोष स्थापना गरिएको छ । प्रस्तावित राधा क्यान्सर सचेतना फाउन्डेसनले अक्षयकोष स्थापना गरिएको आज कावासोतीमा पत्रकार सम्मेलन गरी जानकारी दिएको हो । बस्यालले स्थापना गरेर सन्चालनमा आएको प्रस्तावित राधा क्यान्सर सचेतना फाउन्डेसनको मातहतमा रहने गरी बस्यालको परिवारले २ लाख राशीको राधा स्मृति अक्षय कोष स्थापना गरेको फाउन्डेसनका अध्यक्ष प्रकाश बस्यालले जानकारी दिनुभयो ।
यस्तै, फाउण्डेशनले “राधा क्यान्सर सचेतना तथा हिंसा विरुद्धको पत्रकारिता पुरस्कार” को पनि घोषणा गरेको छ । क्यान्सर सचेतना सम्बन्धमा कमल चलाउने पत्रकारलाई हरेक वर्ष २० हजार रुपैयाँ पुरस्कार प्रदान गरिने फाउण्डेशनका अध्यक्ष बस्यालले जानकारी दिनुभयो । हरेक वर्ष माघ ४ गते पुरस्कारका लागि आवेदन आव्हान गरिने र प्राप्त आवेदनबाट फाउन्डेसनको पुरस्कार छ्नौट समितिले छ्नौट गरे पछि राधाको जन्म जयन्ती फागुन ९ गतेका दिन हरेक वर्ष पुरस्कार वितरण गरिने फाउन्डेसनले जनाएको छ ।
क्यान्सरका बारेमा सचेतना अभियान चलाउँदै आएकी राधा बस्यालको गत कात्तिक १४ गते स्तन क्यान्सरबाटै निधन भएको थियो । राधाले वैवाहिक जीवनपछि व्यक्तिगत रुपमा घरेलु हिंसा र क्यान्सर सँग लडदै समाजमा महिला हिंसा र स्तन क्यान्सरको विषयमा सचेतना अभियान चलाउँदै आउनु भएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.