चितवन । प्रेस सङ्गठन नेपाल चितवन शाखाले नयाँ राजनीतिक परिस्थिति र आसन्न राष्ट्रिय भेलाबारे चितवनको भरतपुरमा जिल्ला भेला गरेको छ । प्रेस सङ्गठन नेपालको माघ ८ गते काठमाडौँमा आयोजना गरिएको दोस्रो राष्ट्रिय भेलाको सन्दर्भमा मंगलबार भरतपुरमा जिल्ला शाखाले छलफल गरेको हो । प्रेस सङ्गठन स्थापनापछि लामो समयसम्म संगठन सञ्चालन हुन नसकेको भन्दै सहभागीहरुले असन्तुष्टि व्यक्त गरेका छन् ।
पत्रकारहरु विभिन्न क्षेत्रबाट पीडित हुुँदा समेत प्रेस सङ्गठन चुप लागेर बसेको भन्दै पत्रकारहरुले गुनासो गरेका थिए । आफ्नै सङ्गठनमा आवद्ध सञ्चारकर्मीहरुमाथि दुुव्र्यवहार हुँदा समेत प्रेस सङ्गठन चुप बसेको भन्दै उनीहरुले गुनासो गरेका हुन् । प्रेस सङ्गठन नेपाल प्रगतिशील पत्रकारहरुको सङ्गठन भएकाले पत्रकारहरुको हक, हित र दुखमा साथ दिनुुपर्ने भन्दै सहभागीहरुले पत्रकारहरुको क्षमता अभिवृद्धिका लागि समेत विभिन्न काम गर्नुपर्ने बताएका छन् ।
भेलामा प्रेस सङ्गठन नेपालका केन्द्रीय सदस्य शिशिर सिंखडाले प्रगतिशील पत्रकारहरु गोलबद्ध भएर अगाडि बढ्नुुुपर्ने भन्दै पत्रकारितामा प्रवेश गरेका नयाँ सदस्यहरुका लागि क्षमता अभिवृद्धि तालीम सञ्चालन गरिने बताउनुभयो । कसैको लहडमा लागेर अन्यत्र विभाजन हुन नहुुने भन्दै सैद्धान्तिक रुपमा एक ढिक्का भएर बस्नुपर्ने सिंखडाको भनाइ थियो ।
आगामी माघ ८ गते काठमाडौँमा आयोजना गरिएको भेलामा जिल्लाबाट सक्दो बढी प्रगतिशील पत्रकारहरु सहभागी हुनुपर्ने भन्दै भेलाले आगामी दिनका लागि मार्ग निर्देशन गर्ने सिंखडाले बताउनुुभयो । लामो समयसम्म सङ्गठनको गतिविधि नभएको भए पनि आगामी दिनमा सङ्गठन सक्रिय भएर अगाडि बढ्ने बताउनुुभयो । सो कार्यक्रममा नेपाल पत्रकार महासंघका केन्द्रीय सदस्य कृष्ण गिरीले पत्रकारहरु क्षमतावान हुनुपर्ने भन्दै त्यसका लागि प्रेस सङ्गठनले भूूमिका खेल्नुपर्ने बताउनुुभयो ।
नेपाल पत्रकार महासंघको आसन्न निर्वाचनका लागि समेत तयारी गरेर अगाडि बढ्नुपर्ने गिरीको भनाइ थियो । कार्यक्रममा प्रेस सङ्गठनका नेताहरु तिलकराम रिमाल, हरि पोखरेल, अर्जुन शर्मा, कृष्ण खनाल, रोहीणी त्रिपाठी, प्रतिमा सिलवाल, शान्ता अधिकारी, सविता श्रेष्ठलगायतको सहभागीता थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.