चितवन । भरतपुर महानगरपालिका वडा नम्बर ३ नारायणगढको न्यूरोड घर भएका विष्णुप्रसाद सापकोटा सम्पर्क विहीन भएका छन् । बिहीबार (हिजो) बिहान मर्निङ वाकका लागि निस्किएका सापकोटा अहिलेसम्म पनि परिवारको सम्पर्कमा आएका छन् । उनका छोरा विकास सापकोटाकाअनुसार बिहान ४ बजे मर्निङ वाकमा निस्किएका सापकोटा घरमा फकिएका छैनन् ।
‘पुलचोकमा हाम्रो फलफूल पसल छ, हिजो बिहान ४ः१२ बजे त्यहाँ पुग्नुभएको सिसी क्यामेरामा देखिनुभएको छ’ विकासले भने, ‘त्यसपछि बिहान ४ः३२ बजेट पोखरा बसपार्कमा पुग्नुभएको सिसी क्यामेरामा रेकर्ड देखियो ।’ बिहान ४ः५८ पछि सापकोटाको मोबाइल समेत स्वीच अफ भएको टेलिकमको रेडकर्डबाट थाहा भएको भन्दै सापकोटाले आफ्नो बुवालाई जहाँ भए पनि घर फर्किन आग्रह गरेका छन् ।
घरमा कुनै पनि समस्या नभएको भन्दै विकासले बुवाले घर छोडेर जाँदा परिवार नै चिन्तामा डुबेको बताए । ‘बुवा सधैँ हासो मजाक गर्नुहुन्थ्यो, कुनै पनि कुलतसमेत थिएन, घरमा झगडा नि भएको थिएन’ विकासले भने, ‘तर, हिजो बिहानबाट एक्कासी सम्पर्कविहीन हुँदा हामी सबैलाई चिन्ता परेको छ, बुवा तपाईँ जहाँ भए पनि चाँडै घर आउनुस् ।’
आफ्नो बुवालाई बिहीबार साँझ देवघाटमा माझीहरुले देखेको कुरा जानकारीमा आएको भन्दै उनले बुवालाई कसैले देखेमा नजिकैको प्रहरी वा मोबाइल नम्बर ९८४५४४४४२० तथा ९८४५३३१४२७ मा सम्पर्क गर्न आग्रह गरेका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.