चितवन । चितवनमा पञ्चभाषा अन्तरास्ट्रिय विश्व विद्यालय बन्ने भएको छ । भरतपुरको वागेश्वरी आध्यात्मिक परिसद योगी नरहरीनाथ आश्रम परिसरमा विश्व विद्यालय बन्न लागेको हो । विश्व युवा हिन्दु महासघंको नेतृत्वमा विश्व विद्यालय बन्न लागेको विश्व युवा हिन्दु महासघंका अध्यक्ष ऋषिकेश जङ शाहले बताउनु भयो ।
मुख्य गरि ५ भाषाको अध्ययन हुने गरि विद्यालय बनाइने शाहले जानकारी दिनुभयो । दक्षिण एसियाको सभ्यताको खोज, अनुसन्धान र जगेर्ना गर्न विश्व विद्यालय निर्माणको परिकल्पना गरिएको हो । सस्कृत, पाली, पाक्रित, जापानी र नेपाली भाषा अध्ययन अध्यापन हुने अध्यक्ष शाहले बताउनु भयो । उहाँका अनुसार यो विश्व विद्यालयको योगी नरहरीनाथले संकल्प गर्नु भएको थियो । विश्व विद्यालय २०५३ सालमा नै नेपाल सरकार शिक्षा मन्त्रालयमा दर्ता भइसकेको छ । “भगवान रामले पठेको गुरुकुलका रुपमा रहेको यस क्षेत्रको धार्मिक खोज अनुसन्धानमा विश्व विद्यालयले सहयोग पुर्याउने छ ।” उहाँले भन्नूभयो, “देवघाट धार्मिक पवित्र तिर्थ स्थल हो । यसको अझै अनुसन्धान आवस्यक छ ।
समग्र भाषाको खोजको लागि यो फलदायी हुनेछ ।” योगी नरहरिनाथका शिष्य पुराना चर्चित पत्रकार प्रेम कैदीलाई योगी नरहरिनाथले तत्कालीन समयमा सो विश्व विद्यालयको अध्यक्ष बनाउनुभएको थियो । ग्रन्थको गहिराइमा पुग्ने गरि खोज अनुसन्धान गर्न विश्व विद्यालयको परिकल्पना गरिएको अध्यक्ष शाहले जानकारी दिनुभयो । विश्व विद्यालय समावेशीताको आधारमा पढाइ संचालन हुने बताइएको छ । जातिय बिभेदलाई निरुत्साहित गर्न समावेशीतालाई केन्द्रमा राखिने उहाँले बताउनु भयो ।
वसन्त पञ्चमीको अवसर पारेर विद्यालयको जिम्मेवारी हस्तान्तरण र सुरुवात भएपनी अझै सम्म यसको डिपिआर बनेको छैन । योगी नरहरीनाथ बाट विश्व विद्यालय निर्माण जिम्मेवारी विश्व युवा हिन्दु महासघंमा हस्तान्तरण भएको हो । महासघंले चितवनमा जिल्लाका सरोकारवाला पक्ष सङ्ग छलफलको तयारी गरिरहेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.