चितवन । नेपाल सरकार सामाजिक सुरक्षा कोष सम्बन्धि कानूनी व्यवस्था र श्रम अडिट सम्बन्धि कानूनी प्रावधानका विषयमा छलफल तथा अन्तरक्रिया सम्पन्न भएको छ । चितवन उद्योग संघका अध्यक्ष राजु पौडेलले स्वागत मन्तव्य सहित संघको गतिविधि र कार्यक्रमको उद्देश्य माथि प्रकाशन पार्नुभएको थियो । छलफल तथा अन्तरक्र्रियामा नेपाल सरकार सामाजिक सुरक्षा कोषका निर्देशक कृष्ण अधिकारी र श्रम तथा रोगजार कार्यालय, हेटौडाका कार्यालय प्रमुख प्रशान्त शाहले प्रस्तुतिकरण गर्नुभएको थियो ।
प्रस्तुतिकरण पछि सहभागीहरुबाट आएका जिज्ञासाहरुलाई प्रशिक्षकहरुले पालैपालो समाधान गर्नु गर्नुभएको थियो । कार्यक्रममा सहभागी उद्योगीहरुले संघले सामाजिक सुरक्षा कोष र श्रम अडिट सम्बन्धि अन्यौलता चिर्न कार्यक्रम अत्याधिक फलदायी भएको भन्दै आगामि दिनमा उद्योगी क्षमता अभिवृद्धि कार्यक्रम सञ्चालन गर्न संघलाई अनुरोध समेत गरेका थिए ।
छलफल एवं अन्तरक्रियामा चितवन उद्योग संघका निवर्तमान अध्यक्ष भेषराज दुवाडी, चितवन उद्योग संघ पूर्व अध्यक्ष हरिप्रसाद सुवेदी, नेपाल सरकार सामाजिक सुरक्षा कोष कार्यालय अधिकृत श्रीराम गौतम, चितवन उद्योग संघका उपाध्यक्षहरु मदन घिमिरे, गजेन्द्र अधिकारी, कार्यसमिति सदस्यहरु प्रतिभा श्रेष्ठ, प्रकाशचन्द्र भट्टराई, अमरबहादुर अधिकारी, मदन चिरञ्जीवी पोखरेल, ताराबहादुर कार्की, गोपाल प्रसाद गैरे, दण्डपाणी भट्ट, सुधा सुवेदी पौडेल लगायत उद्योगीहरुको सहभागिता रहेको थियो ।
चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई चितवन उद्योग संघका बरिष्ठ उपाध्यक्ष त्रिलोचन कँडेलले धन्यवाद मन्तव्य सहित समापन गर्नुभयो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.