☰

भर्खरै

लोकप्रिय समाचार

माडीका दुई स्थानमा आज वाट शिवरात्री मेला हुँदै

  •   बिहिबार, फागुन २७, २०७७ मा प्रकाशित
    • अ
    • अ
    • अ

    चितवन । चितवनको माडीका दुई स्थानमा आज बाट शिवरात्री मेला हुने भएको छ । आज बाट स्टार स्पोर्ट्स खेल मैदान बरुवामा र माडी नगरपालिका ५ मा शिबरात्री मेला हुने भएको हो । बरुवामा आज महाशिवरात्री पुजाको दिन मेला सुरु भई २९ गतेसम्म ३ दिन मेला सञ्चालन हुने जनाइएको छ । कोरोना भाईरस कोभिड १९ ले सुस्ताएको माडीको व्यबसायलाई ब्युताउँदै पर्यटन प्रर्बदन गर्नु मेलाको मुख्य उद्धेश्य रहेको मेला मुल आयोजक समिति सहसंयोजक सञ्जय महत्तोले जानकारी दिनुभयो ।

    बरुवा थारु समुह,सुनगाभा बाल क्लबको आयोजनामा मेला हुने भएको हो । “मेलाको साभार,संस्कृति र पर्यटनको आधार” भन्ने नाराको साथ आयोजित ३ दिने मेला माडी १ स्थित स्टार स्र्पोटस् खेल मैदानमा सञ्चालन हुनेछ । मेलाको पहिलो दिन आज भगवान् शिवको करिब ८ फिट अग्लो मुर्ति स्थापना गरी धार्मिक उत्सब मनाउने योजना रहेको महत्तोले बताउनुभयो । दोस्रो र तेस्रो दिन भने माडी स्तरीय भलिबल प्रतियोगिता,बृहत सांस्कृतिक कार्यक्रम,फुड फेस्टिबल लगायतका कार्यक्रमहरु हुने भएकाछन् ।

    मेलामा करिब ६० वटा स्टलहरु रहनेछन् । मेलामा प्रवेश टिकट भने मात्र रु २० रुपौया रहेको र परिचयपत्र सहित जाने बिद्यार्थी तथा फरक क्षमता भएकाहरुका लागि निशुल्क प्रवेशको व्यबस्था मिलाइएको आयोजकले जनाएको हो । मेलाको प्रर्बद्धक माडी नगरपालिका रहेको छ भने सहआयोजकमा स्टार स्र्पोटस् क्लब, बरुवा टोल सुधार समिति र सहयोगी संस्थाहरुमा थारु कल्याणकारीसभा,आदीबासी जनजाती महासंघ रहेको मेला संयोजक राम प्रसाद महत्तोले बताउनु भयो ।

    यसै गरि माडी नगरपालिका वडा नं ५ स्थित शिवालय मन्दिर एवं विश्वकर्मा सामुदायिक भवन निर्माण समितिको संयुक्त आयोजनामा आज बृहत साँस्कृतिक कार्यक्रम हुने भएको छ । कार्यक्रमको सम्पुर्ण तयारी पूरा भएको कार्यक्रम संयोजक नबिन घिमिरेले जानकारी दिनुभयो । शिवरात्री पर्वको अबसरमा आयोजित कार्यक्रममा चर्चित गायिका समीक्षा अधिकारी,चर्चित राष्ट्रिय लोकदोहोरी गायक खेम सेन्चुरी,लोक गायिका सुमन थापामगर,बिष्णुमाया पौडेलको प्रस्तुति रहने घिमिरेको भनाई छ ।

    शिवालय मन्दिर उद्घाटन गरिने अबसरमा साँस्कृतिक कार्यक्रम आयोजना गरिएको हो। कार्यक्रमको प्रबर्द्धक सहारा युथ क्लब,ब्रह्मपुरी र सहयोगी संस्था,माडी नगरपालिका वडा नम्बर ५ को कार्यालय रहेको छ।कार्यक्रम संचालन हुने परिसर तथा शिव मन्दिरलाई सजावटलगायत व्यबस्थापनका कामहरु भईसकेको आयोजक समितिले जनाएको छ ।

    लोकप्रिय

    भर्खरै