गैँडाकोट । गैँडाकोटबाट १२ दिनदेखी सम्पर्कविहिन भएकी किशोरी नारायणगढबाट फेला परेकी छन् । गैँडाकोट ४ मा बस्दै आएकी २१ बर्षिया पुनम घर्ती नारायणगढबाट फेला परेको वडा प्रहरी कार्यालय नारायणगढले जनाएको छ ।
उनलाई दिउँसो डियुटीमा खटिएका प्रहरीले बाटोमा हिंड्दै गर्दा फेला पारेको प्रहरीले जनाएको छ । उनकी आमा नारयणगढ लगायत आसपासका क्षेत्रमा फोटो देखाउँदै खोज्दै हिंडेकी थिईन् ।
उनको प्रहरीले पनि खोजी गरिरहेका थिए । साथै सञ्चारमाध्यमबाट पनि उनको खोजीको पहल भईरहेको थियो । उनलाई आजै परिवारको जिम्मा लगाईएको प्रहरीले जनाएको छ ।
यहि असार ११ गतेदेखी उनी गैँडाकोट घरबाट हिंडेकी थिईन् । उनिहरु गुल्मी मालिका गाउँपालिका २ घर भई गैँडाकोट ४ मा डेरामा बस्दै आएका थिए । पुनम सुस्त मनस्थितीको रहेको र गत फागुनदेखी औषधी सेवन गर्दै आईरहेकी उनकी आमा छमि घर्तीले बताउनुभयो ।
पुनम यसअघि पनि ५ महिना सम्पर्कविहिन भएकी थिईन् । ५ महिनापछि बुटवलमा फेला परेकी आमा छमि घर्तीले बताउनुभयो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.