चितवन ।  जिल्लाका ६ पालिकामा मकै उत्पादन प्रबद्र्धन कार्यक्रम प्रभावकारी भएको छ । भरतपुर महानगरपालिका, माडी नगरपालिका पूर्वी चितवनको रत्ननगर, खैरहनी, राप्ती र कालिका नगरपालिकामा यो कार्यक्रम लागू गरिएको हो । भरतपुर महानगरपालिका र माडीको कार्यक्रम कृषि ज्ञान केन्द्र चितवनले हेर्दै आएको छ भने अन्य पालिकाको कार्यक्रम स्थानीय तहलेनै हेर्दै आएका छन् ।

ज्ञान केन्द्रले सञ्चालन गरेको कार्यक्रम अन्तर्गत २ सय बिगाह क्षेत्रफलमा मकैको हाइब्रिड बिउ उत्पादन गरी साइलेज उत्पादन, १० हेक्टरमा रामपुर कम्पोजिटको बिउ उत्पादन, उत्पादन सामाग्री, विउ मल बिषादी सहयोग, यान्त्रीकरण प्रबद्र्धन, मकै रोप्ने मेसिन, मकै गोड्ने मेसीन र मकै छोडाउने मेसिन अनुदानमा उपलब्ध गराएको छ । यससँगै क्षमता विकासका कार्यक्रमहरु पनि सञ्चालन गरिएको छ । माडी नगरपालिका वडा नम्बर ५ मा १० हेक्टरमा बिउ उत्पादन र भरतपुर महानगरपालिका वडा नम्बर ६ मा साईलेज उत्पादनको काम भएको केन्द्रका प्रमुख राजन ढकालले जानकारी दिनुभयो ।

उहाँका अनुसार केन्द्रका दुई पालिकामा गरिएको कार्यक्रम ९५ प्रतिशत सफल भएको छ । यस्तै कालिका, खैरहनी र रत्नगरनगरपालिकामा पनि यो कार्यक्रम प्रभावकारी बनेको ढकालले जानकारी दिनुभयो । खैरहनी नगरपालिकामा ८ सय ४७ हेक्टर क्षेत्रफलमा मकै लगाईएको थियो । अन्य स्थानीय तहहरुले मकै बालि प्रबद्र्धनका लागि रु ४० लाख बिनियोजन गरी काम गरेका थिए । मकै प्रबद्र्धन कार्यक्रम चलिराखेका क्षेत्रमा पछिल्लो समय रत्ननगरमा मकैको घोगामा समस्या देखिएको रत्ननगरका कृषि अधिकृत प्रबिण लामाले जानकारी दिनुभयो ।

एनएमएच १२४७ नामक बिउमा समस्या आएको हो । मकैको घोगामा दाना लागे पनि थोते भएकाले कृषकहरु मारमा परेको उहाँले बताउनुभयो । पोलेर खान लगाईएको बेमौसी मकैमा समस्या आएको हो ।

बिहीबारदेखि देशका विभिन्न क्षेत्रमा वर्षा हुने

विदेशी फूलको आयात रोक्न किसानको माग

चितवनमा रहेको धान ‘जोन’मा उत्पादन बढ्यो