कार्यक्रममा साहित्यकार वालकृष्ण थपलियाले महिलाको न्याय र समाजमा सम्मानपूर्ण स्थान सुनिश्चितताका लागि विदुषी योगमायाले आफ्नो जीवनकालमा गर्नुभएको संघर्ष र बलिदान हामी सबैको लागि गौरवको विषय रहेको बताउनुभयो । कार्यक्रममा अधिवक्ता सरिता ढकालले योगमाया नेपाली साहित्यमा क्रान्तिकारी नारीहरूकी प्रतीक रहेको बताउनुभयो ।

उहाँले योगमायाले पुराणका कथाहरूको पनि खुलेर नै आलोचना गरेको बताउनुभयो । उहाले भन्नुभयो ” योगमाया त्यस्ती नारी थिइन् जसले जनताको–राष्ट्रको समुन्नतिमा सरोकार राख्ने आर्थिक पक्षमा समेत बोलेकी थिइन् ” । उहाँले अध्यात्मिक चिन्तनसंगै सामाजिक विभेद र महिलाप्रति गरिने असमान व्यवहारका विरुद्ध आफैबाट क्रान्ति ल्याउन उनको ठूलो योगदान रहेको कुरा बताउनुभयो । उहाँले योगमायाले जुन योद्धा बनेर लडिन सोही दौडानमा महिलाहरु रिले दौड झै अघि बढ्नु पर्ने कुरा समेत बताउनुभयो ।