चितवन । बालमाविद् एलम्नाइ एशोसियसनको ३१औं साधारण सभा तथा नवौं अधिवेशन सम्पन्न भएको छ । अधिवेशनले निवर्तमान अध्यक्ष पदेन सदस्यसहित सेवन पन्त अध्यक्ष रहने गरी दश जना सदस्य चयन गरेको छ । नव निर्वाचित अध्यक्ष सहित दश जना सदस्यको पहिलो बैठकले पदाधिकारीहरु चयन गरिने एशोसियसनका पूर्व अध्यक्ष आश्विन श्रेष्ठले जानकारी दिए ।
पूर्व अध्यक्ष श्रेष्ठले पहिलो बैठकले उपाध्यक्ष, महासचिव, सचिव र कोषाध्यक्ष पदको निर्णय गरिने बताए । अधिवेशनले अध्यक्षमा सेवन पन्त र सदस्यहरुमा राजकुमार श्रेष्ठ (राजन), मदन प्रधान, भरतकुमार आचार्य, रमेश श्रेष्ठ, भरतकुमार श्रेष्ठ, सनदकुमार पिया, अमृतकुमार श्रेष्ठ, ज्ञानेन्द्र पौडेल र एश्वोर्ना श्रेष्ठ चयन गरेको हो । कार्यक्रमको प्रमुख अतिथि तथा भरतपुर महानगरपालिका वडा नं. २ वडा अध्यक्ष पूर्णकुमार श्रेष्ठले पानसमा दियो प्रज्वलन गरी उद्घाटन गरेका हुन् । प्रमुख अतिथि श्रेष्ठले एशोसियसनको लागि सक्दो सहयोग गर्ने प्रतिबद्धता व्यक्त गरे ।
पदमा रहे पनि नरहे पनि आफ्नो साथ र सहयोग सदैव रहने उनको भनाइ थियो । कार्यक्रममा बालकुमारी माध्यमिक विद्यालयका प्रधानाध्यापक नारायणबहादुर थापा, बालमाविद एलम्नाइ एशोसियसनका संस्थापक अध्यक्ष बद्रि अधिकारी, शिक्षकको नेतृत्व गर्दै बाबुहरि आचार्य, विद्यार्थीको तर्फबाट विशाल श्रेष्ठलगायतले शुभकामना मन्तव्य दिएका थिए ।
सो अवसरमा एशोसियसनद्वारा प्रमुख अतिथिलाई मायाको चिनो, विभिन्न ब्याजका पूर्व विद्यार्थीहरुलाई प्रशंसा पत्र, पूर्व अध्यक्षहरुलाई मायाको चिनो, कदरपत्र वितरण गरिएको थियो । कार्यक्रममा महासचिव सेवन पन्तले प्रगति प्रतिवेदन प्रस्तुत गरेका थिए भने कोषाध्यक्ष सनद पियाले आर्थिक प्रगति प्रतिवेदन प्रस्तुत गरेको हो । एशोसियसनका अध्यक्ष बद्रिलाल प्रधानको सभापतित्वमा कार्यक्रम सम्पन्न भएको थियो ।
बालमाविद एलम्नाइ एशोसियसन वि.सं. २०४६ सालमा स्थापना भएको हो भने बालकुमारी माध्यमिक विद्यालयको स्वर्ण जयन्ती एशोसियसनको पहलमा सम्पन्न भएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.