गैँडाकोट । नवलपुर जिल्लामा पनि जनगणना २०७८ को तयारीलाई तिव्र पारिएको छ । मन्त्रीपरिषदको निर्णयले १२ औँ राष्ट्रिय जनगणना २०७८ लाई संचालन गर्ने अनुमति दिएपछि अहिले सुपरीवेक्षकहरुलाई पुनतार्जगी तालिम प्रदान गरिएको छ । आज र भोलि चल्ने तालिममा घरपरिवार सूचीकरण, लगत उतार तरिका, नक्सा, कृषि उतार फारम भर्ने विधि,सामुदायिक प्रश्नावली सम्बन्धि विषयमा प्रष्टाइएको जिल्ला जनगणना अधिकारी जितेन्द्र रानाभाटले बताउनुभयो।

तालिम पश्चात भाद्र ३० देखि असोज १८ गते सम्म सुपरीवेक्षकहरुले घरपरिवार सूचीकरणको काम २० दिनमा सक्नुपर्ने लक्ष्य राखिएको छ । गणकको नियुक्ति कार्तिक १३ गते भित्र सम्पन्न गरि प्रत्येक स्थानीय जनगणना कार्यालयले गणकको तालीम कार्तिक १३देखि १७ सम्म संचालन गरिने बताइएको छ ।

मुल गणना कार्तिक २५ देखी मंसिर ९ गते सम्म १५ दिन हुनेछ । तालिमको आज अवलोकन गर्दै प्रमुख ज्लिला अधिकारी मनमाया पंगेनी भट्टराइले सही र यथार्थ सूचना ल्याउने महत्वपूर्ण भूमिका र जिम्मेवारी सुपरीवेक्षककको हुनाले मनैदेखि जिम्मेवारीमा लाग्न आग्रह गर्नुभयो । जनगणनाको तथ्याङ्कले घरदेखि देशको नीति नियम बनाउन सहयोग गर्ने भन्दै मिथ्याङ्क आउन नदिन उहाँको आग्रह थियो ।

अझ नवलपुरबाट चाँडै र यथार्थ सूचना केन्द्रमा पुरयाउन आग्रह गर्दै फिल्डमा जाँदा सुरक्षा लगायतका समस्या आए प्रशासनले सहजीकरण गर्ने उहाँको भनाई थियो । मन्त्रीपरिषदको यहि भाद्र २१ गते सोमबार बसेको बैठक बाट स्थगित राष्ट्रिय जनगणना सुचारू गर्ने निर्णय भएको थियो ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने