काठमाडौँ । आइसिसी टि२० विश्वकप २०२१ मा अष्ट्रेलियाले विजयी सुरुवात गरेको छ । शनिबार भएको सुपर १२ को समूह ए को पहिलो खेलमा अष्ट्रेलियाले दक्षिण अफ्रिकालाई ५ विकेटले पराजित गरेको हो । युएईको शेख जायद स्टेडियम आबूधाबीमा दक्षिण अफ्रिकाले जितका लागि दिएको ११९ रनको सामान्य रनको लक्ष्य पछ्याएको अष्ट्रेलियाले १९. ४ ओभरमा ५ विकेट गुमाउँदै पुरा गरेको हो ।
अष्ट्रेलियाका लागि स्टिभ स्मिथले सर्वाधिक ३५ रन बनाए । त्यस्तै, ग्लेन म्याक्सवेलले १८ रन, डेविड वार्नरले १४ रन तथा मिचेल मार्शले ११ रन जोडे । मार्कस स्टोइनिस २४ रन तथा म्याथ्यु वेड १५ रनमा अविजित रहे । दक्षिण अफ्रिकाका लागि एनरिच नोर्कियाले २ विकेट लिए भने केशव महाराज, कागिसो रबाडा र तबरेज शाम्सीको नाममा समान एकएक विकेट रह्यो ।
त्यसअघि टस हारेर ब्याटिङको निम्तो पाएको दक्षिण अफ्रिकाले निर्धारित २० ओभरमा ९ विकेट गुमाउँदै ११८ रन बनाएको हो । दक्षिण अफ्रिकाका लागि एडेन माक्ररमले सर्वाधिक ४० रन बनाए । त्यस्तै, डेविड मिलरले १६ रन, हेनरिक क्लासेनले १३ रन तथा कप्तान टेम्बा बभुमाले १२ रन जोडे । तीब्र गतिका बलर कागिसो रबाडा भने २० रन बनाएर अविजित रहे ।
अन्य व्याट्सम्यान चल्न सकेनन् । दक्षिण अफ्रिकालाई सस्तैमा रोक्न अष्ट्रेलियाका मिचेल स्टार्कले सर्वाधिक ३ विकेट लिए । जोश हेजलवुड र एडम जाम्पाले समान २/२ विकेट लिए भने उपकप्तान प्याट कमिन्स र ग्लेन म्याक्सवेलको नाममा समान एकएक विकेट रह्यो । सुपर १२ को समूह ए मा अष्ट्रेलियासँगै इंग्ल्यान्ड, दक्षिण अफ्रिका, वेस्टइन्डिज, समूह बी को उपविजेता बंगलादेश र समूह ए को विजेता श्रीलंका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.