काठमाडौं । ‘सेक्स टेप ब्ल्याकमेल’ प्रकरणमा फ्रान्स तथा रियल मड्रिडका स्ट्राइकर करिम बेन्जिमा दोषी ठहर भएका छन् । सहकर्मीको भिडियो खिँचेर धम्क्याएको अभियोगमा उनी दोषी ठहर भएको बीबीसीले जनाएको छ ।

फ्रान्सको एक अदालतले उनलाई एक वर्षको सस्पेन्डेड जेल सजाय सुनाएको छ। तर, यो सजायमा जेलमा बस्नु भने पर्दैन। साथै, ७५ हजार युरो जरिवानाको सजाय पनि सुनाइएको छ ।

सन् २०१५ को जुनमा फ्रेन्च फुटबलर म्याथ्यु भाल्बुआनाको सेक्स भिडियो खिँचेर ब्ल्याकमेल गरिएकोमा बेन्जिमाले पैसा दिन प्रोत्साहन गरेको अभियोग लागेको थियो। ब्लाकमेल गरेको आरोपमा बेन्जिमासहित पाँच जनामाथि मुद्दा चलाइएको थियो ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र