हेटौंडा । जिल्ला प्रशासन कार्यालय मकवानपुरले भिडभाड हुने गतिविधिहरु नगर्न आग्रह गरेको छ । प्रशासनले जिल्लाभित्र कोरोनाभाइरस (कोभिड–१९) संक्रमितको संख्या दिन प्रतिदिन बढ्दै गएकोले यसको नियन्त्रण तथा न्यूनीकरणका लागि भिडभाड हुनेखालको कुनै पनि गतिविधि नगर्न जिल्लावासीलाई आग्रह गरेको हो ।
सोमबार प्रमुख जिल्ला अधिकारी भरतमणि पाण्डेले एक सूचना जारी गर्दै सो कुराकोे जानकारी गराएको हो । जारी विज्ञप्तिमा भनिएको छ, ‘मकवानपुर जिल्लाभित्र कोभिड–१९ संक्रमणको दर पुनः बढ्दो क्रममा रहेको सन्दर्भमा यस जिल्लाभित्र कोभिड–१९ संक्रमणको जोखिम नियन्त्रण एवम् न्यूनीकरण गर्न र जनजीवन सामान्य तुल्याईराख्न बढी भिडभाड हुने गतिविधिहरू नगर्न, नगराउन हुन, भौतिक दूरी कायम एवम् मास्कको अनिवार्य प्रयोग गर्न, गराउन हुन र सबै क्षेत्रहरूमा जनस्वास्थ्यका मापदण्डहरू पूर्णरूपमा पालना गरी उच्च सतर्कता अपनाउन हुन सबैमा अपिल गरिन्छ ।’
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.