चितवन । गौतमबुद्ध अन्तराष्ट्रिय क्रिक्रेट रंगशाला निर्माण गर्छु भनेर लागेको धुर्मुस सुन्तली फाउण्डेशन विरुद्ध अख्तियारमा उजुरी परेको छ । आयोजना वीचमानै अलपत्र पारेर हिसावकिताव सार्वजनिक नगरेको भन्दै सत्यतथ्य छानविन गर्न माग गर्दै उजुरी परेको हो ।
वाग्मती प्रदेश क्रिकेट संघका कोषाध्यक्ष तथा क्रिकेटका राष्ट्रिय प्रशिक्षक(एनआएस) अनिल अधिकारीले उनीहरुविरुद्ध आर्थिक अपचलन र ठगी गरेको भन्दै पक्राउ गरी छानविन गर्न माग गर्नुभएको छ ।
चितवनको भरतपुर १५ मा अन्तराष्ट्रिय क्रिक्रेट रंगशाला निर्माण गर्ने भन्दै रकम उठाएर फाउण्डेशनले निर्माणकार्य अपूरो छोडेको छ ।
अधिकारीले भन्नुभयो,“हामीले पटक पटक मापदण्ड र लागतमा ध्यानाकर्षण गरायौँ तर उहाँहरुले सुन्नुभएन। अहिले आयोजना अलपत्र पार्ने र कति रकम उठ्यो भन्ने सम्मको पारदर्शी हिसाव किताव सार्वजनिक नगरेपछि उजुरी दिएको हुँ ।”
दुई पृष्ठ लामो निवेदन हस्तलिखित उजुरी अधिकारीले आइतबार बिहान अख्तियार दुरुपयोग अनुसन्धान आयोग टंगाल काठमाडौँमा दर्ता गराएको जानकारी दिनुभयो ।
फाउण्डेशनले पर्याप्त आर्थिक स्रोत नभएको भन्दै रंगशालाको जिम्मेवारी लिन भरतपुर महागनरपालिकालाई पत्राचार गरिसकेको छ । तर कामको मूल्याङ्कन गर्दा जम्मा १४ प्रतिशत काम सकिएको इन्जिनियरको प्रतिवेदन रहेको बताइएको छ । महानगरलाई पत्राचार गरेपनि हालसम्म फिल्डमा कुनै काम भएको छैन ।

अधिकारीले फाउण्डेशनले देश विदेशमा रहेका नेपालीहरुबाट चन्दा संकलन र भरतपुर महानगर लगायतबाट ५७ करोड भन्दा बढी रकम उठाई हाल सो रंगशालाको सरकारी इन्जिनियरबाट मूल्याङ्कन गर्दा १४ प्रतिशत पनि निर्माणकार्य पूरा नगरी उल्टै सरकार, नेपाली जनतालाई आरोप प्रत्यारोप गरी १७ करोड उल्टो ऋण संस्थाले तिनुपर्ने रकम देखाएको उल्लेख गर्नुभएको छ । समाजसेवाका नाउँमा रकम उठाएर ठगी गर्न नपाउने भन्दै उहाँले सत्यतथ्य छाविन गर्न माग गर्नुभएको हो ।

नेपाल क्रिक्रेट संघलाई समेत नजरअन्दाज गरी रंगशाला निर्माण गर्ने र भारत पाकिस्तानको खेल खेलाउछु भन्दै कहिले रुदै कहिले हाँस्दै प्रोपगाण्ड गर्दै चन्दा र आर्थिक सहयोग उठाउदै सामाजिक अभियान्ता वनि कलाकारको जीवनशैलीमा पटक पटक विभिन्न ठाउँबाट टिकाटिप्पणी भएपनि कुनै सरोकारवाला निकायले चासो नदिएको उनको भनाई छ । उजुरीको चाँडै सुनुवाइ सहित आवश्यक छानविन गरी सत्यतथ्य वाहिर ल्याउन उहाँको माग छ ।

 
भरतपुर महानगरपालिकासँगको समन्वयमा ३ अर्वमा रंगशाला निर्माण गर्ने लक्ष्य सहित काम थालिएको थियो । तर रकम पर्याप्त नभएको भन्दै १७ करोड ऋण रहेको देखाई फाउण्डेशनले भरतपुर महानगरलाई पत्र लेखेको थियो । स्वामित्व लिन पत्र पठाएपनि फिल्डमा भने कुनै काम हुन सकेको छैन ।

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

चितवनका दृष्टिविहीनलाई सेतो छडी वितरण

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने