चितवन । चितवनमा सुकुम्वासीहरुलाई रातो लाल पुर्जा वितरण गर्ने कार्यको प्रकृया सुरु भएको छ । यसअघि निवेदन दिएका नागरिकहरुलाई आज निस्सा वितरण गरेर यसको थालनी गरिएको हो । जिल्लाको भरतपुर महानगरपालिका वडानम्वर १४ बाट जिल्लामा पहिलो पटक कार्य सुरु भएको भूमि आयोग चितवनका अध्यक्ष बद्री तिमिल्सेनाले जानकारी दिए ।

आज एक कार्यक्रमकावीच महानगर प्रमुख रेनु दाहाल, जिल्ला अध्यक्ष तिमिल्सेना सहितको टोलीले वडानम्वर १४ शिवनगर वडा कार्यालय परिसरबाट निस्सा वितरण सुरु गरेको हो । वडानम्वर १४ मा ९३९ जनाले लालपुर्जाका लागि फाराम भरेका छन् । निस्सा पाएपछि आफूहरुको माग पूरा हुनेमा विश्वस्त रहेको सुकुम्वासीहरुले बताएका छन् । अव हाम्रो भन्ने पाइने भयो भन्दै नेताहरुले बोलेको कुरा पूरा गर्न लागेको भन्दै खुसी व्यक्त गरेका थिए ।

महानगर प्रमुख रेनु दाहालले पुर्जा वितरणका लागि पहिलो चरणमा परेको र भूमिहिन सुकुम्वासी,भूमिहिन दलित अव्यवस्थित नागरिकहरुलाई आफ्नै कार्यकालमा जग्गा सहित रातो लाल पुर्जा दिन पाउँदा खुसी लागेको बताइन् । निस्सा प्राप्त गरेका व्यक्तिहरुलाई रातो लाल पुर्जा दिन भोलिदेखि फिल्डमा आयोगका प्राविधिकसहित स्थानीय निकाय र सरोकारवालाको उपस्थितिमा नापजाँच थालिने भएको छ ।

नेपाल वसोवास वस्ती संरक्षण चितवनका सल्लाहकार राम बहादुर नेपालीले पहिलानै सेटेलाइटबाट लिएको नापलाई फिल्डमा पुन प्रमाणीत गरेर रातो लाल पुर्जा दिने सहमति भएको बताए । चितवनको ३ वटा स्थानिय तहमा लालपूर्जा वितरणको लागि आयोगका अध्यक्ष बद्री तिमिल्सिनासहितको टोली आफै फिल्डमा खटिएर स्थलगत निरीक्षण गरेको हो ।

भरतपुर महानगरपालिकामा मात्र १० हजार २९ जना, कालिका नगरमा ५ हजार ५ सय ५९ जना र माडी नगरमा ५ हजार ४ सय ५६ जना दलित भूमिहीन, सुकुम्वासी र अव्यवस्थित बसोबास गर्नेले लालपूर्जाको माग गर्दै निवेदन दिएका छन् । आयोगले भरतपुर महानगरपालिकाको ६ वटा वडा, कालिका नगर र माडी नगरपालिकाको ३÷ ३ वटा वडा गरि १२ वटा वडाबाट पहिलो चरणमा काम सुरु गरेको हो ।

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

चितवनका दृष्टिविहीनलाई सेतो छडी वितरण

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने