देवचुली । देवचुली नगरपालिकाको एक वडा कार्यालयमा चोरी भएको छ । देवचुलीको दलदलेमा रहेको वडा नं १३ को वडा कार्यालयको ताला फोडेर कार्यालयका केही सामग्री चोरी भएको वडाध्यक्ष डिलबहादुर खत्रीले बताएका छन् ।
मंगलबार राती वडा कार्यालयको ताला फुटाएर १ थान फोटोकपी मेसिन, वडाका अपाङ्गता व्यक्तिलाई बाढन राखिएको न्यानो कपडा ४ सेट र वडा कार्यालय सँगै रहेको स्वास्थ्य चौकीबाट ४ वटा पानी खाने गिलास चोरी भएको प्रहरीले जनाएको छ । आज बिहान कार्यालय समयमा पुगेका वडाध्यक्ष खत्रीले ताला फोडिएको अवस्थामा कार्यालय देखेपछि प्रहरीलाई सूचना गरेको बताए ।
प्रहरी सहितको टोलीले निरिक्षण गर्दा कार्यालयदेखि केही पर सानो जंगल जस्तो क्षेत्रमा न्यानो कपडामा टाँसिएको वडा कार्यालयको लोगो सहितको स्टिकर च्यातेर फालिएको अवस्थामा भेटिएको छ । चोरी भएका सामग्री भने फेला परेको छैन । चोरीमा संलग्नको खोजीकार्यमा प्रहरी लागेको जनाईएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.