देवघाट । ऐतिहासिक भूमि भरतपुर १ वागिश्वरी धाम देवघाटमा शनिवारदेखी विश्व हिन्दू यूवा संघको राष्ट्रिय भेला सुरु भएको छ । सो भेलाको विश्व हिन्दु महासंघका केन्द्रीय अध्यक्ष डा। रामचन्द्र अधिकारीले उद्घाटन गर्नुहुदै नेपालको मौलिक ज्ञान र संस्कृति हराउदै गएकोमा चिन्ता व्यक्त गर्नु भयो। उहाँले युवा संघको सक्रियताले खुशी भएको बताउनु भयो ।

युवा संघका अध्यक्ष ऋषिकेश जंग शाहाको अध्तक्षतामा भएको सो भेला आज सम्म चल्ने छ । हिन्दु यूवा संघले यो भेलालाई पञ्चभाषा विश्वविद्यालय केन्द्रीकृत गर्ने जनाएको छ। राष्ट्र गुरु योगीनरहरिनाथको पहलमा २०३८ सालमा नै पन्चभाषा विश्वविद्यालय अभियान शुरु भएको बताउदै अध्यक्ष शाहले यो भेलावाट सो विश्वविद्यालय को उपकुलपती र केहि बोर्ड सद्स्य र सल्लाहकारहरु नियुक्त गरिने बताउनुभयो ।गोरक्षनाथ , गाई ,गाजा र ज्ञान नेपाल को पहिलो आधार भन्ने नाराका साथ शुरु भएको सो भेलाको उद्धाटन सत्रमा गाई ,गोरक्षनाथ ,लगायत नेपालीको जडिबुटी महत्त्व बिशेषगरी गाजाको उपयोगिता का वारेमा चर्चा गरिएको छ ।

युवा संघ जिल्ला अध्यक्ष घनश्याम पौडेले स्वागत मन्व्य दिनुभएको कार्यक्रम मा रेथाने विश्वविद्यालयका अभियन्ता, प्राध्यापक डाक्टर विद्यानाथ कोईराला , विश्व हिन्दु महासंघका केन्द्रीय उपाध्यक्ष प्रविण घिमिरे ,महासचिव , गणेश न्यौपाने , डाक्टर सुजन पन्त ,डाक्टर डिपि आत्रेय, डाक्टर उत्तम बज्राचार्य ,व्यासाचार्या किशोर गौतम,प्राध्यापक चिरिन्जीवी श्रेष्ठ ,विश्व हिन्दु केन्द्रीय सदस्य टंकनाथ पौडेल ,विष्णु लिम्बू ,महिला समिति चितवन अध्यक्ष सृजना पान्डे लगायतकाले बोल्नुभएको थियो।

बिहीबारदेखि देशका विभिन्न क्षेत्रमा वर्षा हुने

विदेशी फूलको आयात रोक्न किसानको माग

चितवनमा रहेको धान ‘जोन’मा उत्पादन बढ्यो