लिस्वन । फागुन २५ गत वर्षको तुलना यसवर्ष नेपाली नारी समाज पोर्तुगलले केही पृथक तरिकाले ११२ औं अन्तर्राष्ट्रिय नारी दिवस मनाएको छ । पछिल्लो समय र परिस्थितिलाई मध्यनजर गर्दै समाजले कैलालीमा सञ्चालित असाहाय, मानसिक रोगि, हिंसा पीडित, टुहुरा बालबालिका तथा महिलाहरु आश्रित करिव ५० जना लाई दृस्टी फाउन्डेसन मार्फत आवश्यक सामाग्रीहरु सहयोग गरेको हो । समस्यामा रहेका बेला नेपाली नारी समाज, पोर्तुगल चेलिहरुको माइती बनेर आएकोमा फाउन्डेसनकि कल्पना भट्टले आभार व्यक्त गर्नुभयो ।

त्यस्तै नारी दिवसको अवसर पारेर सानो सहयोग गरेको समाजकी अध्यक्ष सीता श्रेष्ठ (शिवानी) ले जानकारी दिनुभयो । साथै उहाँले भौतिक रूपमा कार्यक्रम गर्ने वातावरण नभएता पनि जन्मभुमिमा असहाय, मानसिक स्थिति गुमायका र सहारा विहिन महिलाहरुलाई केहि सहयोग गर्नु नै महत्त्वपूर्ण रहेको बताउनु भयो । समाज रुपान्तरण र नारी हकहितको लागि लामो समयदेखि स्थापित समाजले प्रत्येक वर्ष यसरी नै स्वदेश तथा विदेशमा सहयोगहरु गर्दै आइरहेको छ ।

साथै समाजले यता पोर्तुगलमा आज नै भर्चुअल मार्फत “पोर्तुगलमा नेपाली नारीहरुको बसाइ कसरी सहजिकरण गर्न सकिन्छ” भन्ने बिषयमा कार्यसमिति बिच छलफल समेत गरेको छ । समाजकी अध्यक्ष श्रेष्ठको अध्यक्षतामा गरिएको भर्चुअल कार्यक्रममा सहभागीहरुले अन्याय, अत्याचार र बिभेद पुर्ण ब्यबहारका बारेमा गुनासो साथै समानुपातिक समाज निर्माणका लागी हाम्रो दायित्वका बारेमा भेला र सेमिनार गरेर मनाइन्थ्यो भने अहिले भर्चुअल मार्फत गर्दा स्वदेश देखि विदेशसम्मका व्यक्तिहरुलाई जोड्ने अवसर समेत मिलेको बताएका छन ।

भने उज्यालो भविष्यको सपना बोकि बिदेशि भुमिमा कर्म गरिरहदा बिभिन्न प्रकारका समस्याहरु आउने हुनाले यिनै समस्याहरुका बारेमा छलफल गरि आफ्नो अनुभव र सीप साटासाट गरि समाधान गर्न सहज हुने कुरामा बिस्वस्त रहेको बताएका छन् । देशमा भएका असहाय महिलाहरुलाई सहयोग र बिदेशि भुमिमा रहने नारीहरुको समस्याका बारेमा समेत छलफल गरिएको कार्यक्रममा नेपाली नारी समाजले वास्तविक पीडितलाई राहतको व्यवस्था गर्ने गरेकोमा अग्रजहरुले स्वागत योग्य रहेको बताएका छन् ।

वैचारिक बहस समेत गर्दै आएको समाजले नारी दिवसको अवसरमा गरेको कार्य सर्हानिय रहेको बताएका छन् । भर्चुअल कार्यक्रममा सस्थापक अध्यक्ष तथा सम्मानित सदस्य सीता बराल, उपाध्यक्षहरु ज्योत्सना अधिकारी, पृतु लामा, सल्लाहकारहरु मिनामाया खरेल, जयकला राई, विद्या आचार्य, ज्ञानु गौतम शर्मा लगायत कार्यसमितिका सदस्यहरुको सहभागिता रहेको थियो । साथै नेपाली नारी समाजको कानुनी सल्लाहकार तथा लैङ्गिक विशेषज्ञ डा. ज्योति तुलाधरले शुभकामना सन्देश पठाउनु भएको थियो ।

समाजले यस अघि पनि नेपालमा कोरोना कहरका बेलामा अक्सिजन सिलिन्डर खरिदको लागि सहयोग, जाडोमा न्यानो कपडा वितरण लगायत विदेशमा पनि नारीहरुको क्षमता अभिवृद्धिको लागि विभिन्न किसिमका तालीमहरु दिदै आइरहेको छ ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने

पूर्वराजा ज्ञानेन्द्रले यस वर्ष सर्वसाधारणलाई दसैँको टीका नलगाइदिने