हेटौडा । मकवानपुर प्रहरीले लागूऔषध अफिम र भरुवा बन्दुकसहित एक जनालाई पक्राउ गरेको छ । पक्राउ पर्नेमा मकवानपुरगढी गाउँपालिका वडा नम्वर ५ बस्ने ५२ वर्षीय डिलबहादुर गोङ्वा रहेको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।
गोङ्वालाई जिल्ला प्रहरी कार्यालय मकवानपुर र मातहत अस्थायी प्रहरी पोष्ट धादिङ मकवानपुरबाट खटिएको प्रहरी टोलीले लागूऔषध अफिम ७५ ग्राम, गाँजा ७०० ग्राम र एक नाले भरुवा बन्दुकसहित पक्राउ गरेको हो । बिहीबार साँझ साढे ५ बजेको समयमा विशेष सूचनाको आधारमा पुगेको प्रहरी टोलीले गोङ्वाको घरभित्र खोजतलास गर्दा लुकाइछिपाइ राखेको उक्त परिमाणको लागूऔषध र बन्दुक फेला परेपछि निजलाई पक्राउ गरेको प्रहरी नायव उपरीक्षक रिमालले बताए ।
पक्राउ परेका उनीमाथि आवश्यक अनुसन्धानका साथै कानूनी प्रकृया अगाडि बढाएको जनाइएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.