गैंडाकोट । नेकपा एमालेका पाेलिटब्युराे सदस्य एवम् युवा फाट ईन्चार्ज महेश बस्नेतले `रेनुका बा प्रचण्डलाई जनताका बा केपी ओलीले´ हराइदिने दाबी गर्नुभएकाे छ। राष्ट्रिय युवा संघ नेपाल गैंडाकाेटको नगर कमिटीकाे चाैंथाे नगर अधिवेशनलाई सम्बाेधन गर्दै नेता बस्नेतले आगामी स्थानीय चुनाव र त्यसपछिका प्रदेश तथा संसदीय चुनावमा एमालेकै पल्लाभारी हुने बताउनुभयाे ।
उहाँले जनताका बा केपी ओली भएको भन्दै प्रचण्ड छोरीको चिन्तामा चितवन धाइरहेको तर केपी ओली विभिन्न जिल्लामा पुगेर जनतासँगै समस्या बुझिरहेको बताउनुभयो । बस्नेतले भन्नुभयो,“केपी ओलीप्रति जनलहर बढीरहेको छ । चिसो भनेकै कोकाकोला जस्तै नेता भनेकै केपी ओली भन्ने भएको छ ।” कम्युनिष्टहरुकाे एकता भांडेर कांग्रेसंग मिल्न गएबाट प्रचण्ड र माधव नेपालकाे राजनीतिक यात्रा ओरालाे लागेकाे भन्दै बस्नेतले अवकाे चुनावनै अन्तिम यात्रा हुने दाबी गर्नुभयाे ।
आगामी स्थानीय चुनावमा नेकपा एमाले एक्लै लड्न सक्षम रहेकाे र आवश्यकता अनुसार अन्य साना दलहरुसंग मिल्न सकिने बताउंदै चुनावी तयारीमा लाग्न निर्देशन दिनुभयाे । बस्नेतले भन्नुभयाे, “गठबन्धन बिना चुनाव लड्न नसकिने निष्कर्षमा उहाँहरु पुग्नुभयाे । याे एमालेका लागि सफलता हाे कि उहांहरु एमाले बलियाे पार्टी हाे भन्ने निर्णयमा पुग्नुभयाे ।” नेकपा एमालेले एक घर एक सदस्य,एक टाेल एक कमिटी,म जिताउछु मेराे वडा, हामी जिताउंछाै गाउंपालिका , नगरपालिका , वान बुध टु हन्ड्रेड युथ अभियान चलाईरहेकाे र एक्लै मैदानमा जाने उहाँको भनाई थियाे । साथै अब गैंडाकोट युवा संघमा आउने नेतृत्व जुझारु र चुनावमा एमाले उम्मेदवार लाई जिताउन लागिपर्ने व्यक्तिहरु आउनुपर्नेमा जाेड दिंदै शुभकामना दिनुभयाे । कार्यक्रमपूर्व युवा संघ गैंडाकोटले बृहत माेटरसाईकल र्याली निकालेर नेता बस्नेतलाई स्वागत गरेकाे थियाे ।
साथै आजनै विभिन्न पार्टी परित्याग गरि एमाले प्रवेश समेत गरेका छन् । अधिवेशनले नयां नेतृत्व समेत चयन गर्नेछ। विनाेद कडेंलकाे अध्यक्षमा भएकाे कार्यक्रम जिल्ला संयाेजक कृष्ण कडेंलले सहजीकरण गर्नुभएकाे थियाे । कार्यक्रममा नेकपा एमालेका विभिन्न तह र तप्काका नेता कार्यकर्ताकाे बाक्लाे उपस्थिति थियाे ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.