हेटौँडा।  हेटौँडा उपमहानगरपालिका वडा नम्बर ६ मा रहेको रानी सामुदायिक वन उपभोक्ता समूहको छात्रवृति तथा गोवरग्याँस प्लान्ट निर्माण अनुदान वितरण कार्यक्रम सम्पन्न गरेको छ। वन समूहका अध्यक्ष कृष्ण विडारीको सभाध्यक्षता भएको कार्यक्रममा सामुदायिक  वन उपभोक्ता महासंघ  मकवानपुरका अध्यक्ष साधुराम चौलागाईंको प्रमुखआतिथ्यता रहेको थियो।कार्यक्रममा टोल विकास संस्था समन्वय समिति हेटौँडा ६ का अध्यक्ष केशव धिताल,चौघडा वचत तथा ऋण सहकारीका अध्यक्ष श्याम प्रसाद श्रेष्ठ, समूहका सल्लाहकार बलराम अधिकारी,कार्यालय सचिव भिमसेन पौडेल लगायतकाको उपस्थिति रहेको थियो।कार्यक्रममा बोल्दै  वन समूहका अध्यक्ष कृष्ण विडारीले रानी वनले पर्यटनमा पनि जोड दिएको बताए।उनले वनको क्षेत्रकै शान्तिटोलमा ‘स्वर्गीय विपि गणेशमान स्मृति शान्ति पार्क’ निर्माण एवं संचालनमा रहेको र यसलाई थप विकास गर्दै लैजाने वन समूह प्रतिवद्ध रहेको बताएका छन्। कार्यक्रममा ४ जनालाई जनहि ५ हजारको दरले २० हजार बराबरको छात्रवृत्ति प्रदान गरिएको छ भने गोबर ग्याँस प्लान्ट निर्माण गरे वापत  ५ जनालाई जनहि १ हजारका दरले ५ हजार अनुदान वापतको रकम  वितरण गरिएको थियो।