काठमाडौं । नेपाल राष्ट्रिय फुटबल टोलीले एएफसी एसिया कप-२०२३ अघि तीन अभ्यास खेल खेल्ने तयारी गरेको छ । शुक्रबार भएको पत्रकार सम्मेलनमा टोलीका प्रशिक्षक अब्दुल्लाह अल्मुताइरीले छनोटको तयारीका लागि तीन अभ्यास खेल खेल्ने तयारी गरेको बताए । ‘हामीले अभ्यास खेल्नका लागि तीन टिमसँग तयारी गरेका छौं,’ अब्दुल्लाहले भने ।

नेपालले अफगानिस्तान, ओमान र यमनसँग खेल्ने तयारी गरिरहेको उनले बताए । अब्दुल्लाहले अफगानिस्तानसँग खेल्ने कुरा ९० प्रतिशत पूरा भएको र दुई टिमसँग कुरा चलिरहेको बताए । यस्तै टिमका व्यवस्थापक मधुसुदन उपाध्यायले प्रस्ताव गरेको र तयारी भइरहेको बताए । यसअघि प्रशिक्षक अब्दुल्लाहले नेपाली टिम एसिया कपमा स्थान बनाउन नसक्ने बताएका छन् । नेपालका लागि कुवेती नागरिक अब्दुल्लाहले समूहमा बलियो टोली रहेको र छनोट पार गर्न असम्भव रहेको जनाउँदै नेपाली टिम छनोट हुन नसक्ने बताएका हुन् । ‘हाम्रो समूह निकै बलियो छ । सत्यता यो नै हो । हामी छनोट हुन सक्दैनौं, ‘ शुक्रबार दशरथ रंगशालामा पहिलो तयारीपछि अब्दुल्लाहले भने ।

यस्तै उनले टोलीको रणनीति तयार भएको र टप फाइट दिने बताए । उनले नेपालमा केही समय अभ्यास गरेर कतारमा बन्द प्रशिक्षण गर्ने र केही अभ्यास खेलपछि कुवेत जाने बताए । अभ्यास क्रममा स्थानीय क्लबसँग समेत अभ्यास हुने भने बताएका छन् । एएफसी एसिया कप छनोटको तेस्रो चरणको तयारीका लागि आज (शुक्रबार)बाट नेपाली राष्ट्रिय टोलीले दशरथ रंगशालामा आफ्नो प्रशिक्षण सुरु गरेको छ । पहिलो दिनको प्रशिक्षणमा कप्तान किरण कुमार लिम्बू र देवेन्द्र तामाङबाहेक २३ खेलाडीको उपस्थिति थियो ।

दुबै खेलाडी पारिवारिक समस्याका कारण टोलीमा उपस्थित भएका छैनन् । नेपाली टिमले बिहानी सत्रको अभ्यास दशरथ रंगशालामा गर्नेछ भने साँझ सातदोबाटोस्थित एन्फा कम्प्लेक्समा गर्नेछ । छनोटको समूह ए मा रहेको नेपालसँगै जोर्डन, कुवेत र इन्डोनेसिया छन् । तीनै टोली फिफा वरीयतामा नेपालभन्दा माथि छन् । छनोटको सबै खेल कुवेतामा हुनेछन् ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र