नवलपरासी  । उद्योगपति विनोद चौधरीले आफू सुनको थालमा चाँदीको चम्चाले खाएर हुर्किएको मान्छे नभएको बताएका छन् । कांग्रेसका केन्द्रिय सदस्य समेत रहेका चौधरी नवलपरासी क्षेत्र नं.१ का प्रतिनिधि सभा उमेदवार समेत हुन् ।

आगामी मंसिर ४ गते हुन गइरहेको प्रदेश तथा प्रतिनिधि सभा सदस्यको चुनावको प्रचारप्रसारको लागि उनी घरदैलो कार्यक्रम गरिरहेका छन् । शनिवार फेसबुकमा चुनावी प्रसारका फोटोहरु पोष्ट गर्दै उनले आफू सामान्य परिवारबाट आएको व्यक्ति भएको बताएका छन् । उनी लेख्छन्, ‘सुनको थालमा चाँदीको चम्चाले खाएर हुर्किएको मान्छे हुँ भन्ने भ्रम कसैलाई नपरोस् ।

म सामान्य परिवारबाट आएको व्यक्ति हुँ। मेरो शिक्षादीक्षा पनि सामान्यरूपमै भयो । सरकारी स्कुलमै पढेर हुर्किएको हो म । रत्नपार्कबाट सार्वजनिक बस चढेर भक्तपुरको सरकारी स्कुलबाट स्कुले शिक्षा हासिल गरेको हुँ ।’

न्युजरुममा प्रहरी हस्तक्षेप गलत, प्रेस स्वतन्त्रताको सम्मान गर्न सरकारलाई रास्वपाको निर्देशन

रास्वपा महामन्त्री नेतृत्वको प्रतिनिधिमण्डल चीन भ्रमणमा जाने

बिहीबारदेखि देशका विभिन्न क्षेत्रमा वर्षा हुने