धनगढी । रोयल युवा क्लव जोरायलले गाउँपालिकामा आयोजना गरेको स्वर्गीय चित्र मडै स्मृति दोस्रो रोयल जोरायल पेनाल्टी सुटआट प्रतियोगतिको समापन समारोहमा बोल्दै कार्यक्रमका प्रमुख अतिथि डिल्लीराज भट्टले युवाहरूका लागि खेलकुद महत्त्वपूर्ण भएको बताएका छन् ।

सेती प्रादेशीक अस्पतालका सदस्यसमेत रहेका भट्टले खेलकुद युवाहरूका लागि महत्त्वपूर्ण भएको बताउँदै यसबाट खेलाडिले राम्रो प्रदर्शन गर्दै देशको शीर उच्च पार्ने बताए । ‘हामीले खेलकुद क्षेत्रमा लगानी गर्नुपर्छ। राजनीतिक आस्था भन्दा माथि उठेर काम गर्नुपर्छ। ममा पनि एउटा राजनीतिक विचारधारा छ। तर, युवाको क्षेत्रमा काम गर्नका लागि मैले कहिले पनि त्यसलाई हावी हुन दिँदैन,’ उनले भने ।

उनले खेलकुद स्वास्थ्यका लागि पनि राम्रो भएको बताए । खेलाडिहरूमा प्रयाप्त शारीरिक अभ्यास हुने भएकाले स्वस्थ रहन सहयोग पुग्ने उनको भनाइ थियो ।

क्लवले विगतका दिनमा पनि पालिकामा यस्ता विभिन्न खाले गतिविधि गर्दै आएको छ ।

रोयल क्लवका संयोजक अनिल कुमार कठायतको संयोजकत्वमा सम्पन्न कार्यक्रममा भट्ट प्रमुख अतिथि, श्री केदार टूर एण्ड ट्राभल्सका अध्यक्ष नविन रावल र युवा परिषद् डोटी अध्यक्ष प्रकाश जैशी विशिष्ट अतिथि रहेका थिए ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र