देवघाट तनहुँ । तनहुँको देवघाट गाउँपालिका वडा नम्बर १ कोटामा आज तीन दिने गाई भैँसी पालन तालिम आज सम्पन्न भएको छ। देवघाट गाउँपालिकाको आयोजनमा असोज १८ गते सञ्चालित तालिम आज समापन भएको हो। तालिमको समापन कार्यक्रमका प्रमुख अतिथि समेत रहनुभएका देवघाट गाउँपालिका अध्यक्ष दुर्ग बहादुर थापाले गर्नुभयो। तालिम समापन कार्यक्रमलाई सम्बोन्धन गर्दै अध्यक्ष थापाले कोरोना प्रभावका कारण रोजगार गुमाएका गाउँपालिकाका युवाहरुलाई अब पशु तथा कृषि कर्ममा लाग्न अनुरोध गर्नुभयो। पशु तथा कृषि मार्फत गाउँपालिकाको समृद्धि र विकाशमा योगदान पु¥याउन सकिने हुनाले बेरोजगार सबै युवाहरु अब पशु तथा कृषि कर्ममा लाग्नुपर्ने उहाँले बताउनुभयो। ‘त्यसका लागि आवश्यक पर्ने सबै कुरामा सहयोग गर्न गाउँपालिका तयार छ’ –उहाँले भन्नुभयो। ३ दिनसम्म चलेको उक्त तालिममा ४२ जनाले सहभागिता जनाएका थिए। तालिमको समापन कार्यक्रम देवघाट गाउँपालिका १ नं। वडाका वडाध्यक्ष भिम बहादुर गुरुङको अध्यक्षतामा सम्पन्न भएको थियो भने समापन कार्यक्रममा कार्यपालिका सदस्य चन्द्रप्रकाश बि।क।, वडा सदस्य नानुमाया बि।क।, बगमाया गुरुङ, सुन्दर भुजेल, मन बहादुर गुरुङ, देवघाट गाउँपालिका इन्जिनियर प्रमुख तिर्थराज ढुंगाना, देवघाट गाउँपालिका पशु शाखा प्रमुख पुर्णचन्द्र अधिकारि र देवघाट गाउँपालिका सव डिभिजन वन कार्यालय प्रमुख नवराज घिमिरे लगाएतको उपस्थिति रहेको थियो। यसैबिच कार्यक्रममा विशेष अतिथि समेत रहनुभएका देवघाट गाउँपालिकाका प्रमुख प्रशासकिय अधिकृत नरहरी सापकोटालाई देवघाट १ नम्बर वडा अध्यक्ष भिम बहादुर गुरुङ लगाएत स्थानीयले स–सम्मान स्वागत समेत गरेका थिए। भर्खरै देवघाट सरुवा भएर आउनुभएका प्रमुख प्रशासकिय अधिकृत सापकोटा पहिलो पटक देवघाट १ मा पुग्नुभएको अवसर पारेर वडा अध्यक्ष सहित स्थानीयले स–सम्मान स्वागत गरेका हुन्।

अविरल वर्षाले पृथ्वीराजमार्ग पहिरोको उच्च जोखिममा

हप्ताको दुई दिन बिदाले बन्दीपुरमा पर्यटकको सङ्ख्यामा वृद्धि

तनहुँ- १ बाट रास्वपाका डा. स्वर्णिम वाग्ले विजयी