भरतपुर । चितवनको भरतपुर महानगरपालिका १० स्थित आर्मी ब्यारेकसंगै जोडिएको घरको इनारमा बिहिबार एक पुरुषको शव भेटिएको छ । अन्दाजी ३५ बर्षका पुरुषको शव भेटिएको जिल्ला प्रहरी कार्यालय चितवनले जनाएको छ । उनको पहिचान भएको छैन भने उनको साथबाट समेत केही पनि फेला परेको छैन ।

शव सरदराज बिष्ट र कमलराज बिष्टको घरको इनारमा फेला परेको हो । सो घरमा झण्डै ३० वटा सटर र कोठा भाडामा लगाइएको छ । पानी गन्हाउन थालेपछि घरमा बस्दै आएकाहरुले इनारमा बिहिबार बिहान १० बजे हेर्दा मन्छेको शव भेटेपछि प्रहरीलाई खबर गरेका थिए । बैशाख २४ गते अन्दाजी ११ बजे सो घरमा रहेको सोना सोनाम फेमेली दोहोरी साँझ साँझबाट बाहिर निस्केका पुरुषको शब इनारमा भेटिएको प्रहरीको प्रारम्भिक अनुसन्धानबाट खुलेको छ ।

ति पुरुषले घटना भएको दिन दोहोरी साँझमा अधिकांस समय फोनमा कुरा गरिरहेको जस्तो देखिएको प्रहरीको भनाई छ । प्रहरीले सिसीटिभी फुटेज संंकलन गरिरहेको र अनुसन्धान भइरहेको जनाएको छ ।

प्रहरीले अनुसन्धानसंगै शब पहिचानका लागि तस्बिर समेत सार्वजनिक गर्ने तयारी गरेको छ । प्रहरी र नेपाल आर्मीको टोलीले शव निकालेको हो । शव भरतपुर अस्पतालको शवगृहमा राखिएको छ । घटनाको बिषयमा थप अनुसन्धान भइरहेको प्रहरीले जनाएको छ ।

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’