हेटौंडा । बागमती प्रदेशको राजधानी हेटौंडामा आउँदो माघ २७,२८ र २९ गते ‘तेस्रो राष्ट्रिय बेटी सम्मेलन–२०७७’ हुने भएको छ । हेटौंडामा आज पत्रकार सम्मेलन गर्दै महिला बालबालिकाहरुको हकहित तथा लैंगिक समानता र समावेशी अधिकारका लागि आवाज उठाउँदै आएको आ.भा.सा राष्ट्रिय अभियान केन्दीय संजालकी संयोजक नजबुल खान (निलम) ले आउँदो माघ २७,२८ र २९ गते हेटौंडामा तीन दिन राष्ट्रिय सम्मेलन हुने जानकारी दिईन् ।

उनले नेपाली समाजमा अझैपनि घरेलु हिंसा,बलात्कार,बालबिवाह,बोक्सी,घुम्टो,तलाक दाईजो,छाउपडी प्रथा,देउकी,वादी प्रथा रहेको बताउँदै आफुहरु त्यस विरुद्ध लागि परेको बताईन् । उनले समाजमा हुने महिला हिंसा लगाएत विभिन्न कु प्रथा विरुद्ध र लैंगिक समानता र समावेशी अधिकारका लागि आसनमा महिला,भाषणमा महिला र शासनमा महिला भन्ने मूल नाराका साथ सन् २०१२ देखि निरन्तर अगाडी बढीरहेको बताईन् ।

उनले मिसन नोट अफ डिसेन्ट आ.भा.सा राष्ट्रिय अभियान केन्द्रीय संजाल र मुलधार महिला सेवा केन्द्र मासबेस उदयपुरको आयोजनामा २०७५ साल माघ २७ देखि २९ गते सम्म प्रदेश १ उदयपुरको गाईघाटमा ‘सहन नपरोस् हिंसा र दुर्व्याबहार : शिक्षा र स्वास्थ लाई बनाऔं चेलीबेटी सशक्तिकरणको हतियार’ भन्ने मूल नाराका साथ प्रथम राष्ट्रिय बेटी सम्मेलन सम्पन्न गरेको र २०७६ साल माघ २७ देखि २९ गतेसम्म प्रदेश २ को राजधानी जनकपुरमा ‘विकृतिका बन्घनहरु तोड्दै अघि बढौ,मेची महाकाली जोड्दै हिंसारहित समाज निर्माण गरौ भन्ने मूल नाराका साथ दोस्रो राष्ट्रिय सम्मेलन सम्पन्न गरेको बताईन् ।

उनले आउँदो तेस्रो राष्ट्रिय सम्मेलनमा देशभरबाट एक सय जना प्रतिनिधिमूलक सहभागिता रहने कार्यक्रममा ७५ प्रतिशत महिला र २५ प्रतिशत पुरुष रहने जानकारी दिईन् । तेस्रो राष्ट्रिय सम्मेलनको उद्घाटन बागमती प्रदेशका मुख्यमन्त्री डोरमणी पौडेलले गर्ने कार्यक्रम रहेको बताईएको छ ।

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ

सीएमसीद्वारा कैलाशमा निःशुल्क स्वास्थ्य शिविर, ३८३ जनाले लिए सेवा