हेटौंडा । ट्रान्सपरेन्सि इन्टरनेशनलको लेखनवृत्तिबाट हेटौंडाकी पत्रकार सम्झना रिजाल सम्मानित भएकी छन् । हेटौंडाबाट प्रकाशित हुँदै आएको प्रदेश दैनिक पत्रिका र रेडियो मकवानपुरमा कार्यरत रिजाल ट्रान्सपरेन्सि इन्टरनेशनलको लेखनवृत्तिबाट सम्मानित भएकी हुन् ।
नेपाल पत्रकार महासंघसँगको सहकार्यमा ट्रान्सपरेन्सी इन्टरनेशनल नेपालको सहयोगमा भूकम्पबाट अति प्रभावित १४ जिल्लामा भइरहेको पुननिर्माण कार्य सम्वन्धमा समाचार सामग्री प्रवाह गरिरहेका पत्रकारहरुलाई आइतबार काठमाडौंमा लेखनवृत्ति सम्मान प्रदान गरिएको हो । रिजाल मकवानपुरबाट उक्त लेखन वृत्ति सम्मानका लागि छनौट भएकी हुन् ।
कार्यक्रमका प्रमुख अतिथि राष्ट्रिय सूचना आयोगका प्रमुख आयुक्त महेन्द्रमान गुरुङले सम्मान प्रदान गरेका थिए । लेखनबृत्तिबाट रिजालसँगै सिन्धुलका राजकुमार कार्की, धादिङका नवराज छत्कुली, दोलाखाका उषा तामाङ, गोरखाका भिमलाल श्रेष्ठ, रसुवाका अनुकुमारी आचार्य सम्मानित भएका छन् ।
यसैगरी सिन्धुपाल्चोकका दुर्गा आचार्य, नुवाकोटका शर्मिला उप्रेती, ओखलढुंगका शिवप्रसाद ढुंगाना, काभ्रेबाट मोतीरामा तिमल्सिना, रामेछापबाट जानुका पौडेल, ललितपुरबाट रामहरी कार्की, भक्तपुरबाट सम्झना पौडेल र काठमाडौंबाट विद्या राई सम्मानि भएका छन् । नेपाल पत्रकार महासंघका अध्यक्ष गोविन्द आचार्यले भूकम्प पछिको पुननिर्माणको क्षेत्रमा सञ्चार माध्यमको भूमिका महत्वपूर्ण भएको बताए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.