हेटौंडा । देशका विभिन्न भागमा भईरहेका बलात्कार र महिला हिंसाका घटनाविरुद्ध बागमती प्रदेशको राजधानी हेटौंडामा शनिबार प्रर्दशन भएको छ । युवा पुस्ताको सहभागितामा हेटौंडाको बुद्धचोकमा न्यायका लागि स्वतन्त्र जनदवाव नामक अभियानले विरोध प्रर्दशन गरेको हो । अभियानमा सहभागीहरुले पितृसत्तात्मक राज्य व्यवस्था र कानून कार्यान्वयनको कमजोर अवस्थाका कारण देशमा बालबालिका र महिलामाथि हिंसाका घट्ना बढिरहेको बताएका थियो ।

हेटौंडाको हुप्रचौरबाट शुरु भएको र्याली बुद्धचोकमा आएर टुंगिएको थियो । उनीहरुले विभिन्न सचेतनामुलक र मागसहितका प्लेकार्ड बोकेका थिए । उनीहरुले सचेतनामुलक नाटक समेत प्रर्दशन गरेका थिए । राज्यलाई दवाव दिन र सर्वसाधारणमा महिला हिंसाका घटनाविरुद्ध जागरुक हुन सन्देश दिने उद्धेश्यले प्रर्दशन गरिएको अभियन्ता विकेशलाल श्रेष्ठको भनाई छ ।

देशमा हुने लैंगिक हिंसाका घटना न्यूनिकरणका लागि घरपरिवार, समाज र सरकारको भूमिका महत्वपूर्ण हुने गर्दछ । सचेतनाको काम निरन्तर हुने र अपराधीलाई कडा सजाय हुने हो भने आगामी दिनमा यस्ता घटना न्यूनिकरण हुने प्रर्दशनमा सहभागी प्रगति माविकी विद्यार्थी पुनिका तिमल्सिनाको विश्वास छ ।

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

कारले स्कटिङ् गर्दै ल्याएको एक सय ६२ किलो गाँजासहित दुई जना पक्राउ

सीएमसीद्वारा कैलाशमा निःशुल्क स्वास्थ्य शिविर, ३८३ जनाले लिए सेवा