हेटौडा । हेटौडा–६ चौघडाका भीमसेन पौडेलले आफ्नी दिवंगत श्रीमतीको नाममा अक्षय कोष स्थापना गरेका छन् । स्वर्गीय श्रीमती दुर्गादेवी पौडेलको नाममा हेटौडा–६ चौघडामा रहेको जनकल्याण बचत तथा ऋण सहकारी संस्थामा १ लाख ११ हजार १११ रुपैयाँको अक्षय कोष स्थापना गरिएको हो ।
अक्षय कोषबाट प्राप्त हुने व्याजको रकम प्रत्येक वर्ष पुस १२ गतेका दिन नवज्योति मावि नागस्वती, बंशगोपाल मावि चौघडा र दिव्यज्योति आधारभूत विद्यालय चुच्चेखोलामा अध्ययन गर्ने गरिव, दलित, जनजाति र जेहेन्दार विद्यार्थीलाई छात्रवृति वितरण गरिने जनाईएको छ । मृतकको काजक्रिया गर्न मकवानपुर नमूना प्रगति सहकारीले ३० हजार, हेटौडा सहकारीले २८ हजार, सिर्जना टोल विकासले १२ हजार, जनकल्याण सहकारीले १० हजार, शान्तिटोल विकास संस्थाले ८ हजार, कामधेनु सहकारीले ७ हजार, रक्षादेवी बचत समूहले ५ हजार, नौलो बिहानी कृषि सहकारीले ५ हजार, नारीचेतना सहकारीले ५ हजार उपलव्ध गराएकोमा सोहि रकमबाट अक्षय कोष निर्माण गरिएको हो ।
हेटौडा–६ का वडा अध्यक्ष अर्जुनप्रसाद चौलागाँईको प्रमुख आतिथ्यता एवम जनकल्याण सहकारीका अध्यक्ष हिमाल पौडेलको अध्यक्षतामा भएको कार्यक्रममा रकम हस्तान्तरण गरिएको थियो । कार्यक्रममा जनकल्याण सहकारीका संस्थापक अध्यक्ष बासुदेव अधिकारी, सल्लाहकार बद्रीबहादुर पाठक, हेटौडा सहकारीका अध्यक्ष ईन्द्रबहादुर बस्नेत, कामधेनु बहुउद्धेश्यीय सहकारीका अध्यक्ष उदय विडारी, टोल विकास संस्था वडा समन्वय समिति, हेटौडा–६ का अध्यक्ष केशव धिताल लगायतको उपस्थिति रहेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.