☰

भर्खरै

लोकप्रिय समाचार

हेटौंडा–१८ को गोरक्षनाथ माविमा विद्यार्थीका लागी बस सेवा सुरु

  •   बिहिबार, चैत ०५, २०७७ मा प्रकाशित
    • अ
    • अ
    • अ

    हेटौंडा । हेटौंडा उपमहानगरपालिका वडा नम्बर १८ हर्नामाडी फुर्केचौरमा रहेको गोरक्षनाथ माध्यमिक विद्यालयले विद्यार्थीहरुको लागी स्कुल बसको सुरुवात गरेको छ । बुधबार औपचारिक कार्यक्रमका आयोजना गरी बस सेवा सञ्चालनमा ल्याइएको हो । बस सेवाको बागमती प्रदेशको आर्थिक मामिला तथा योजना मन्त्रालका सचिव डन्डुराज घिमिरेले उद्घाटन गरे ।

    गत वर्ष सप्ताह लगाएर संकलित रकममध्येबाट बस खरिद गरिएको विद्यालय व्यवस्थापन समितिका अध्यक्ष शैलेन्द्रराज बानियाँले जानकारी दिएका छन् । ३६ लाख रुपैयाँ पर्ने बस भन्सार छुटसहित २० लाख ७६ हजार रुपैयाँमा खरिद गरिएको अध्यक्ष बानियाँले बताए । विद्यालय आउने टाढाका र साना साना विद्यार्थीहरुका लागी बस सेवाले सहजता हुने अध्यक्ष बानियाँको विश्वास छ ।

    विद्यालयमा हाल ३ सय ५० जना विद्यार्थी अध्ययनरत छ । बस सेवा उद्घाटन कार्यक्रममा मकवानपुरका प्रमुख जिल्ला अधिकारी गोबिन्द रिजाल, नेपाली कांग्रेस क्षेत्रीय सदस्य गोपाल न्यौपाने, नेपाली कांग्रेस हेटौंडा–१८ का वडा सभापति राजेन्द्रराज बानियाँ, नेपाल विद्यार्थी संघ जिल्ला कोषाध्यक्ष बिनोद घिमिर लगाएतको उपस्थिति रहेको थियो ।

    लोकप्रिय

    भर्खरै