नवलपुर । जिल्ला ट्राफिक प्रहरी कार्यालय नवलपुर र जिल्ला प्रहरी कार्यालय नवलपुरको आयोजनामा शुक्रवार फलफुलचोकमा ’ तपाईंको माक्स खोई ? ’ कार्यक्रमको आयोजना गरिएको छ । पछिल्लो समय कोरोना संक्रमणले भयावह स्थिती बन्दै गएपछि नवलपुरमा शुक्रवार यातायात व्यवसायीहरुको सहभागितामा राजमार्गमा गुडेका सवारी साधनहरुका चालक सहचालक, यात्रु लगायत पैदल यात्रुहरुलाई माक्स बाडेर सचेत गराइएको छ ।
कोभिड १९ को जोखिम बढदै गएकाले यसबाट बच्नकालागि अनिवार्य माक्स लगाउन सचेतना प्रदान गर्ने उद्येश्यले ‘ तपाईंको माक्स खोई ?’ अभियान संचालन गरिएको जिल्ला ट्राफिक प्रहरी कार्यालय नवलपरासी पूर्वका प्रमुख नारायण थापाले बताउनुभयो । अभियानका क्रममा पैदलयात्री देखी यातायातमा सवार चालक सहित यात्रुलाई माक्स लगाउन भनिएको र मास्क नलगाई हिडेकाहरुलाई माक्स बितरण गरिएको प्रमुख थापाले बताउनुभयो ।
जन्तिबोकेर हिडेका सवारीमा धेरै जन्ती भेटिएपछी सचेत गराउनेकाम समेत गराइएको थियो । उनीहरुलाई रोकेर कोभिड १९को जोखिमका बारेमा जानकारी दिने र अनिवार्य माक्स लगाउन, धेरै जन्तीलिएर नहिड्न सचेत गराईएको जिल्ला प्रहरी कार्यालय नवलपुरका प्रहरी नायव उपरिक्षक दिलिप कुमार गिरीले बताउनुभयो ।
राजमार्गमा रहेका बिभिन्न प्रहरी जाँच स्थलहरुबाट सवारीमा सवार चालक,यात्रुहरुले माक्स लगाए ,नलगाएको बारेमा जाँच गरिरहने उहाँले बताउनुभयो । प्रहरीले अभियानका कोभिड १९ बाट जोगिन सचेत बनौं, माक्स लगाऔं, यात्रा गर्दा दुरी कायमराखौं ,जस्ता सचेतना मुलक सन्देश लेखिएका स्टिकर समेत यातायातहरुमा टाँस गरेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.