गैँडाकोट । गैँडाकोटमा सवै प्रकृतिको शव व्यवस्थापनका लागि घाट तोकिएको छ । गैँडाकोटका सवै प्रकृतिको शव व्यवस्थापन अवबाट एकै ठाउँमा हुने गरी निर्णय भएको हो । गैँडाकोट ६ मा रहेको रामघाट बन्द गरिएको र अव बाट खरखरेघाटमा दाहासंस्कार गर्ने निर्णय भएको हो । यस अघि कोभिड १९ बाट मृत्यु भएकाहरुको शव अन्यत्र क्षेत्रबाट समेत रामघाटमा ल्याएर दाहासंस्कार गरिएको थियो ।
तर सरसफाई लगायतमा ध्यान नदिएको गुनासो बढेपछि उक्त क्षेत्रमा दाहासंसकारको कार्य तत्काललाई रोकिएको हो । सूचनामा भनिएको छ,“विगत केही दिनदेखि रातको समयमा समेत शव ल्याएर दाहासंस्कार भएको तर पर्याप्त सरसफाइको अभावले सो क्षेत्रमा दुर्गन्ध फैलिएको र रोगको प्रकोप बढ्न सक्ने भएकाले कोभिड अवधिभर रामघाट बन्द गरिएको छ ।
खरखरे घाटमा दाहासंस्कारको व्यवस्था मिलाइएको छ । ” अव सवै प्रकृतिका शवको व्यवस्थापन खरखरेघाटमा हुनेछ । हिजो नगरप्रमुख छत्रराज पौडेल सहित गैँडाकोटका जनप्रतिनिधिहरुको बैठक बसेर अव एकै ठाउँमा मात्रै शव व्यवस्थापन हुने र त्यसका लागि खरखरेघाट तयारी अवस्थामा राखिएको जानकारी गराइएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.