चितवन । चितवनको बिपन्न बस्तीमा रहेका चेपाङ बिद्यार्थीहरुलाई खाद्यान्न सहयोग गरिएको छ । रत्ननगर-१०, मंगलपुरमा रहेको गामबेसीको चेपाङ संरक्षण केन्द्रमा अध्ययन गर्ने विद्यार्थीहरुलाई सो खाद्यान्न सहयोग गरिएको हो । कोरोना कहरका कारण केन्द्रबाट घरमै बस्न बाध्य भएका कालिका नगरपालिका-१०, नान्दर गाउँमा रहेका १३ घरपरिवारका विद्यार्थी र इच्छाकामना गाउँ पालिका-१, चौकीडाडा, जैथली,सप्रेनी गाउँमा रहेका विद्यार्थीका २७ घरपरिवारलाई सो खाद्यान्न सहयोग गरिएको हो ।
विद्यार्थीहरुलाई सोही गाउँमै पुगि खाद्यान्न सहयोग गरिएको थियो । पत्रकार, चेपाङ अभियान्ता तथा केन्द्रका अध्यक्ष केपी किरण शर्माले सो सामाग्री विद्यार्थी र उनका परिवारलाई हस्तान्तरण गर्नु भएको थियो । हाल सप्रेनी गाउँमा बस्दै आएका केन्द्रका विद्यार्थी हेमबहादुर चेपाङले लामो समय देखि खाद्यान्न खान नपाएको हाम्रो परिवारलाई आज ठुलो सहयोग भएको बताए । सो खाद्यान्न जापान निवासी समाजसेवी दिपक नेपाल मार्फत उपलब्ध गराईएको थियो ।
सो केन्द्रमा १३८ जना विद्यार्थीहरु आवासीय रुपमा रहि अध्ययन गर्दथे । कोरोना कहरका कारण केन्द्रमा अहिले १७ जना विद्यार्थी अनलाइन कक्षा मार्फत अध्ययन गरिरहेका छन । बाकी सबै विद्यार्थी गाउँमा घरमै बस्न बाध्य छन । गाउँमै रहेका विद्यार्थीहरुलाई खानको समस्या भएकोले अन्य गाउँमा रहेका केन्द्रका विद्यार्थीहरु लाई पनि खाद्यान्न सहयोग गरिने अध्यक्ष शर्माले बताउनु भयो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.