चितवन । पश्चिम चितवन भरतपुर महानगरपालिका–१८, भण्डारी चोकमा विगत ७ बर्ष देखि बसोबास गर्दै आउनु भएको ४८ वर्षीय लोक बहादुर थापा मगर दुवै मिर्गौला फेल भएर उपचार गराईरहनु भएको छ । न्युन आर्थिक अवस्था भएका मगरले आफ्नो शरीरमा भएका दुईवटै मिर्गौलाले काम नदिने थाहा पाएपछि जीवन बचाउनका लागि सहयोगको अपिल गर्नु भएको हो ।

विगत दुइ बर्ष यता दैनिक औषधिको भर सगै सातामा दुइ चोटी डायलाइसिस गराउ नै खर्च अभाव भइरहेको पीडित परिवारले जनाएको छ । दुवै मिर्गौला फेल भइ हाल भरतपुर अस्पतालमा डायलाइसिस गराइ रहनु भएको उहाँले यो कोरोनाको कारण बन्दाबन्दी भए पछि यातायात नपाएको अवस्थामा अस्पताल आउन जान निकै समस्या परेको र डायलाइसिसको लागी सातामा दुइ चोटी एम्बुलेन्समा जादा निकै समस्या खेप्नु परेको बताउनु हुन्छ ।

हाल स्वास्थ्य विमा बाट डायलाइसिस गराई रहनु भएको मगरको परिवारले सामान्य मेलापातका भरमा जीवनयापन गरिरहनु भएको छ । ७ बर्ष अगाडी तनहुँको रिसिङ गाउँपालीका २ सपरिवार बसाइ सरेर चितवन आउनु भएको मगर भाडाको घरमा श्रीमती,१ छोरा र १ छोरी सगं बस्र्दै आउनु भएको छ ।

कमजोर आर्थिक अवस्थाका कारण उपचारमा कठिन भएकोले सबैलाई सहयोगका निम्ति अपिल गरिएको उहाँको १५ वर्षीय छोरा सुरेश मगरले बताउनु भयो ।

अखिल क्रान्तिकारी चितवनद्वारा भरतपुर महानगरलाई ७२ घण्टे अल्टिमेटम, शुल्क वृद्धि खारेज गर्न माग

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’